كيم چەن ىندى «ولتىرگەن» فيلمنىڭ تۇساۋى كەسىلمەي قالدى
ستۋديانىڭ مۇنداي شەشىمىنە امەريكالىق جەلىلىك كينو تەاترلاردىڭ اتالمىش فيلمدى كورسەتۋدەن جاپپاي باس تارتۋى سەبەپ بولدى، دەپ كورسەتىلگەن ستۋديانىڭ تاراتقان رەسمي حابارلاماسىندا. «ءبىز فيلمدى تاراتۋ شاراسىنا دورەكى تۇردە كەدەرگى كەلتىرىپ، كومپانيامىزدى شىعىنا ۇشىراتۋدى كوزدەگەندەردىڭ ارەكەتىنە وكپەلىمىز»، - دەپ جازىلعان قۇجاتتا.
سوعان قاراماستان، Variety جۋرنالىنىڭ مالىمەتتەرىنە سايكەس، كينوكومپانيا فيلمدى ديسكتەرگە باسىپ تاراتۋدى كوزدەپ وتىرعان كورىنەدى.
«ينتەرۆيۋ» كومەدياسىنىڭ سيۋجەتى كيم چەن ىننان سۇحبات الۋ مۇمكىندىگىنە يە بولعان قوس جۋرناليستىڭ باستان كەشكەن وقيعالارىنا نەگىزدەلگەن. سولتۇستىك كورەياعا جول جۇرمەس بۇرىن ولار قۇپيا قىزمەتتىڭ قاتارىنا كىرىپ، ولارعا ك ح د ر باسشىسىن ءولتىرۋ تاپسىرماسى بەرىلەدى.
ازيالىق مەملەكەتتىڭ بيلىگى فيلمنىڭ مازمۇنىن سىناپ، ول ا ق ش ۇكىمەتى مەن امەريكالىق قوعامنىڭ قانشالىقتى قاجىپ كەتكەنىن كورسەتەدى دەگەن باعا بەرىپتى. ا ق ش كينوسىنشىلارىنىڭ ءوزى دە تىم جەڭىلتەك فيلمنىڭ سيۋجەتىنە تەرىس ريتسەنزيا بىلدىرگەن ەكەن.
لەنتانىڭ العاشقى كورسەتىلىمى لوس- اندجەلەستە 11- جەلتوقساندا ءوتتى. وعان قاتىسقان باستى رولدەردى سومداۋشى دجەيمس فرانكو مەن سەت روگەننىڭ ايتۋىنشا، كورسەتىلىم تىنىش جاعدايدا وتكەن.
15 - جەلتوقساندا كيم چەن ىن قازا بولاتىن ەپيزودى بار فيلمنىڭ ءۇزىندىسى ينتەرنەتتە پايدا بولدى. كەلەسى كۇنى اتى- ءجونى بەلگىسىز حاكەرلەر Sony Pictures كومپانياسىنا «فيلمنىڭ تۇساۋكەسەرىندە تەرراكت جاسايمىز» دەگەن ەسكەرتۋ حابارلاما جىبەرەدى. وسى ەسكەرتۋدەن كەيىن ا ق ش- تىڭ ەڭ ءىرى دەگەن ون كينوتەاتر جەلىسى - ونىڭ ىشىندە، AMC، Regal, Cinemark پەن Carmike - فيلمدى كورسەتۋدەن باس تارتقان. ال 18 - جەلتوقساندا نيۋ- يوركتىڭ Sunshine Cinema-سىندا ءوتۋى ءتيىس فيلمنىڭ تانىستىرىلىمى دا وتپەيتىن بولدى.
BNews.kz
