12:27, 18 - جەلتوقسان 2014 | GMT +5
ۇكىمەت ازىرشە رەسپۋبليكالىق بيۋدجەتتى قايتا قاراۋدى جوسپارلاپ وتىرعان جوق - ە. دوسايەۆ
استانا. قازاقپارات - ۇكىمەت ازىرشە رەسپۋبليكالىق بيۋدجەتتى قايتا قاراۋدى جوسپارلاپ وتىرعان جوق. بۇل تۋرالى بۇگىن ءماجىلىستىڭ جالپى وتىرىسىنان سوڭ جۋرناليستەرگە بەرگەن سۇحباتىندا ۇلتتىق ەكونوميكا ءمينيسترى ەربولات دوسايەۆ ءمالىم ەتتى.
«قازىر ءبىز جاعدايدىڭ نە بولىپ جاتقانىن باقىلاپ وتىرمىز. بۇگىنگى ساتىدا بيۋدجەتتى قايتا قاراۋدى ءالى قولعا المايمىز. مۇنايدىڭ ورتاشا جىلدىق باعاسى - باررەلىنە 80 دوللار. ال كەلەسى جىلى بارلىعى جىل باسىنداعى ديناميكاعا قاراي بولادى»، - دەدى ەربولات دوسايەۆ.
سونىمەن قاتار، مينيستر جۋرناليستەر سۇراعىنا جاۋاپ بەرە كەلە، قازاقستان ۇكىمەتىنىڭ رەسەيلىك ارىپتەستەرىمەن رەسەيدەگى احۋالعا قاتىستى كونسۋلتاتسيالار جۇرگىزبەيتىنىن دە مالىمدەدى. «ونداي كونسۋلتاتسيالار بولمايدى، ويتكەنى ءبىزدىڭ ولاردان بولەك، ءوزىمىزدىڭ ۇستانعان جەكە اقشا- كرەديتتىك ساياساتىمىز بار»، - دەدى ول.
اۆتور: قانات مامەتقازى ۇلى
