رەسەيدىڭ باي تۇرعىندارى لوندوننان جاپپاي ءۇي ساتىپ الىپ جاتىر
ر ف ازاماتتارى جيناعان قارجىلارىن جوعالتۋدان قورقىپ، ۇلى بريتانيا استاناسىنىڭ باعالى اۋداندارىنان جاپپاي باسپانا ساتىپ الىپ جاتىر.
باسىلىمنىڭ حابارلاۋىنشا، رەسەيلىك كليەنتتەر جىلجىمايتىن مۇلىككە 20 ميلليون فۋنتتان اسا قارجى جۇمساۋعا ءماجبۇر. ساتىپ الۋشىلاردىڭ كەيبىرى لوندوننىڭ ورتالىعىنداعى باسپانا ءۇشىن 100 ميلليون فۋنت بەرۋگە دايىن. داۋلەتتى رەسەيلىكتەردىڭ بەلگراۆيا، نايتسبريدج، مەيفەر جانە ريدجەنتس- ساياباعى اۋداندارى مەن كەنسينگتون پالاس گاردەنس كوشەسىندە ورنالاسقان تۇرعىن ءۇي كەشەندەرىندەگى باسپانالارعا دەگەن سۇرانىسى ەرەكشە.
«بۇرىن ولار لوندوننان ءۇيدى وزدەرى تۇرۋ ءۇشىن ساتىپ الاتىن، قازىر كوممەرتسيالىق ماقساتتا ساتىپ الىنىپ جاتىر، ولاردى جالعا بەرۋگە جانە كوممەرتسيالىق جىلجىمايتىن مۇلىك رەتىندە قولدانۋعا بولاتىن باسپانالار قىزىقتىرادى. بۇرىن مۇنداي بولماعان»، - دەيدى اگەنتتىكتەردىڭ ءبىرىنىڭ قىزمەتكەرى.
گازەتا. RU پورتالىنىڭ حابارلاۋىنشا، بۇعان دەيىن رەسەي مەملەكەتتىك دۋماسىنىڭ ەكس- دەپۋتاتى گەننادي گۋدكوۆتىڭ لوندوننان 2,5 ميلليون فۋنتقا قىمبات جىلجىمايتىن مۇلىك ساتىپ العانى ءمالىم بولعان. پارلامەنت مۇشەسىنىڭ ايتۋىنشا، ول باسپانانى ءوزى تۇرۋ ءۇشىن ەمەس ءتيىمدى جولمەن قايتا ساتۋ ءۇشىن ساتىپ العان. ەسكە سالا كەتەيىك، 15 جانە 16- جەلتوقساندا رۋبل باعامى تومەندەپ، سەيسەنبى كۇنى كۇندىز بيرجاداعى ەۋرونىڭ باعاسى شارىقتاپ كەتتى، ەۋرو باعامى - 100,74 رۋبلگە، دوللار - 80,10 رۋبلگە دەيىن جەتتى. ال 17- جەلتوقسان كۇنى كەشكە دوللار - 61 رۋبلدەن، ەۋرو - 76 رۋبلدەن تومەن باعاعا ءتۇستى.
tengrinews.kz
