ءماجىلىس ەۋرازيالىق ەكونوميكالىق وداق تۋرالى شارتقا ارمەنيا رەسپۋبليكاسىنىڭ قوسىلۋى تۋرالى شارتتى ماقۇلدادى
زاڭ جوباسى بويىنشا بايانداعان ۇلتتىق ەكونوميكا ءمينيسترى ەربولات دوسايەۆتىڭ ايتۋىنشا، شارت كۇشىنە ەنگەن كۇننەن باستاپ ارمەنيا ەۋرازيالىق ەكونوميكالىق وداقتىڭ مۇشەسى بولادى.
سونىمەن قاتار، ارمەنيا 2014 - جىلدىڭ 29 - مامىرىنداعى ە ا ە و تۋرالى شارتقا جانە كەدەن وداعى مەن ءبىرىڭعاي ەكونوميكالىق كەڭىستىكتىڭ شارتتىق قۇقىقتىق بازاسىمەن كوزدەلگەن مىندەتتەمەلەردى وزىنە الادى.
«ە ا ە و تۋرالى شارتقا ارمەنيانىڭ قوسىلۋى تۋرالى شارت جوباسى نەگىزگى ءتورت ەركىندىكتى قامتامسىز ەتۋ بويىنشا جاعدايلار جاساۋعا باعىتتالعان. بۇلار تاۋارلاردىڭ، كاپيتالدىڭ، قىزمەت كورسەتۋلەردىڭ جانە جۇمىس كۇشىنىڭ ەركىن قوزعالىسى. پەرسپەكتيۆادا ارمەنيا رەسپۋبليكاسىنىڭ ينتەگراتسيالىق پروتسەسكە قاتىسۋىنا باسقا دا ەلدەر سەكىلدى تۇتاستاي وداق ءۇشىن بارىنشا ەلەۋلى پايدا كۇتىلىپ وتىرعانىن اتاپ وتكىم كەلەدى»، - دەدى مينيستر ەربولات دوسايەۆ.
ال قوسىمشا بايانداما جاساعان دەپۋتات ۆيكتور روگاليەۆتىڭ سوزىنە قاراعاندا، شارتتى قابىلداۋ ارمەنيامەن اراداعى بىرلەسكەن كاسىپورىنداردىڭ ءوزارا دامۋىن قامتاماسىز ەتەدى، سونداي- اق وتكىزۋ نارىعىن كەڭەيتە تۇسۋگە جاعداي جاساپ، ە ا ە و قاتىسۋشى مەملەكەتتەردىڭ ەكونوميكاسىن تۇراقتى دامىتۋعا سەپتىگىن تيگىزەدى. «اتالعان زاڭ جوباسى جۇمىس توبىنىڭ جانە باس كوميتەتتىڭ وتىرىستارىندا قارالدى. ءماجىلىستىڭ كوميتەتتەرى وڭ قورىتىندى بەردى، عىلىمي- قۇقىقتىق جانە عىلىمي لينگۆيستيكالىق ساراپتامالاردىڭ وڭ قورىتىندىلارى بار»، - دەدى ۆ. روگاليەۆ.
ءماجىلىس ماقۇلداعان زاڭ جوباسى پارلامەنت سەناتىنا جولدانادى.
اۆتور: قانات مامەتقازى ۇلى
