11:04, 18 - جەلتوقسان 2014 | GMT +5
الماتىدا الاياق كەلىنشەك ۇستالدى
الماتى. قازاقپارات - الماتىدا ارزان نەسيە اپەرەم دەپ 4 ادامدى سازعا وتىرعىزىپ كەتكەن الاياق كەلىنشەك ۇستالدى. بۇل تۋرالى قالالىق ءى ءى د باسپا ءسوز قىزمەتى حابارلادى.
الاياق ايەل ءوزىنىڭ قۇرباندارىن بانك بولىمشەلەرىنىڭ الدىنان تورۋىلداعان.
«ولاردىڭ ءىشى-باۋىرىنا كىرىپ، تومەندەتىلگەن پايىزدىق كورسەتكىشپەن نەسيە الىپ بەرەم دەپ الداعان. ول ءۇشىن قوماقتى اقى الىپ، كەيىننەن تايىپ تۇرعان. وسىنداي بىرنەشە ارەكەتتەن كەيىن ادامدار پوليتسياعا ارىزداندى»، - دەدى قالالىق ءى ءى د باسشىسىنىڭ ورىنباسارى، پوليتسيا پولكوۆنيگى عازيز نۇرقايەۆ.
ونىڭ ايتۋىنشا، قازىر كۇدىكتى ۇستالدى. الايدا، وزىنە تاعىلعان ايىپتى مويىندار ەمەس. تەرگەۋ كەزىندە ءبىر ايەلدىڭ نۇسقاۋىمەن ارەكەت ەتكەنىن ايتىپ، اقتالعىسى كەلەدى.
ازىرگە، وسى ايەلدىڭ ارباۋىنا تۇسكەن 4 ادام پوليتسياعا شاعىمداندى. الايدا، جاپا شەككەندەردىڭ قاتارى كوپ بولۋى مۇمكىن.
قازىر قۇزىرلى ورگاندار كۇدىكتىنىڭ وزگە دە قىلمىستارعا قاتىسى بار-جوعىن انىقتاپ جاتىر.
اۆتور: گۇلميرا عوسمانالي
