قىتايدا نۇرسۇلتان نازاربايەۆتىڭ مەملەكەتتى باسقارۋ تاجىريبەسى زەردەلەنەدى - ياۋ پيشىڭ
ياۋ پيشىڭ شاڭحايلىق ەكسپو-2010 كورمەسىندە قىتاي ۇكىمەتى باس وكىلىنىڭ ورىنباسارى بولىپ قىزمەت ەتتى. قازىرگى ۋاقىتتا ول قىتاي حالىقارالىق زەرتتەۋ قورىنىڭ عىلىمي قىزمەتكەرى جانە ق ح ر ءس ءى م جانىنداعى ازيا مەن افريكانىڭ دامۋ جانە الماسۋ كەڭەسىنىڭ، سونداي- اق قىتاي كومپارتياسى و ك ءبولىمىنىڭ جانىنداعى جاڭا الەمدى زەرتتەۋ ورتالىعىنىڭ مۇشەسى بولىپ تابىلادى.
- كوپتەگەن كورنەكتى ساياسي قايراتكەرلەر ق ر پرەزيدەنتىنىڭ «نۇرلى جول - بولاشاققا باستار جول» اتتى قازاقستان حالقىنا جولداۋىندا ايتىلعان تەزيستەرگە ايتارلىقتاي قىزىعۋشىلىق تانىتتى. ءسىزدىڭ پىكىرىڭىزشە، وسى قۇجاتتاعى يدەيالاردىڭ قايسىسىنا ەرەكشە نازار اۋدارعان ءجون؟
- قىتاي ساراپشىلارى نۇرسۇلتان نازاربايەۆتىڭ جولداۋىن جوعارى باعالادى. مەن ءوزىم دە قۇجاتتىڭ مازمۇنى مۇنشالىقتى ەرەكشە بولادى دەپ ويلاماعان ەدىم. ادەتتە جولداۋدا ىشكى دامۋ پروبلەمالارى تولىق قامتىلاتىن، وسى جولى العاش رەت، كولىك- لوگيستيكالىق ينفراقۇرىلىمنىڭ دامۋىنا باسا نازار اۋدارىلدى. شىندىعىندا دا، ءسىزدىڭ ەل ءۇشىن ەڭ وزەكتى ماسەلە دە وسى، سەبەبى قازاقستان «جىبەك جولى ەكونوميكالىق بەلدەۋىنىڭ» ەڭ ماڭىزدى دا ءتيىمدى ۋچاسكەسىندە ورنالاسقان.
قازىر قىتاي مەن ەۋروپا اراسىنداعى تاۋار اعىنىنىڭ وسكەنى بايقالادى. ال ساۋدا جولدارىنىڭ قازاقستاندى اينالىپ وتۋىنە مۇمكىندىك جوق، ونى وزگەرتە المايسىڭ، ال رەسەي مەن وڭتۇستىك باعىت بويىنشا بۇل اسا ءتيىمدى ەمەس. سوندىقتان قازاقستانعا ءوز ارتىقشىلىعىن پايدالاناتىن ءسات تۋدى.
پرەزيدەنت نۇرسۇلتان نازاربايەۆتىڭ ەلدىڭ ەرتەڭىن ويلاعان، ساليقالى ساياساتكەر ەكەندىگىنە تاعى ءبىر مارتە كوزىم جەتتى. ول حالىقارالىق جاعدايدىڭ اۋمالى- توكپەلى كەزەڭىندەماڭىزدى ستراتەگيالىق دەڭگەيدە ەكونوميكالىق ماسەلەلەردى كوتەرىپ، شەشىپ كەلەدى. بۇگىندە ونىڭ باسشىلىعىمەن قازاق ەلى ناعىز وڭىرلىك دەرجاۆاعا اينالدى.
- قازاقستاندا نە ەرەكشە ەسىڭىزدە قالدى؟
- ماعان استانا قاتتى ۇنايدى، اسىرەسە كەشكە جاقىن قالا وتە ادەمى. قازاقستاندىق ادەبيەتتى ءسۇيىپ وقيمىن.
- 16 - جەلتوقساندا قازاقستان باستى مەرەكە - تاۋەلسىزدىك كۇنىن اتاپ ءوتتى.. .
- قازاقستان حالقىن ۇلى مەرەكەمەن شىن جۇرەكتەن قۇتتىقتايمىن. نەبارى 23 جىل وتكەنىنە قاراماستان، قازاقستاندا كوپتەگەن ەلدەردە بايقالماعان تۇبەگەيلى وزگەرىستەر ورىن الدى.
پرەزيدەنت ن. نازاربايەۆتىڭ ناعىز ۇلت كوشباسشىسى ەكەنىن ءجيى ايتىپ ءجۇرمىن. ونى قىتايدا ەڭبەكتەگەن بالادان ەڭكەيگەن قارياعا دەيىن - بارلىعى بىلەدى. وسى جىلى مامىردا شاڭحايدا ق ح ر ءتوراعاسى شي جينپيننىڭ قاتىسۋىمەن ن. نازاربايەۆقا جىبەك جولى بەيبىتشىلىك سىيلىعى تابىس ەتىلدى. ول بۇل سىيلىقتىڭ العاشقى لاۋرەاتى اتاندى، سەبەبى ن. نازاربايەۆ - وڭىردەگى جانە بارشا الەمدەگى بەيبىتشىلىكتى نىعايتۋعا وراسان زور ۇلەس قوسىپ كەلە جاتقان بىرەگەي تۇلعا.
پرەزيدەنت تاڭداعان قازاقستاننىڭ دامۋ جولى دۇرىس ءارى تابىستى ەكەنىن تاريحتىڭ ءوزى كورسەتىپ وتىر. كەلەسى جىلى كوكتەمدە قىتايدا ن. نازاربايەۆتىڭ ناقتى يدەيالىق جۇيەسىن، ونىڭ مەملەكەتتى قۇرۋ تاجىريبەسىن زەردەلەۋگە ارنالعان حالىقارالىق سەمينار وتكىزۋدى جوسپارلاپ وتىرمىز.
- سۇحباتىڭىزعا راحمەت.
