ايگىلىءانشى كوشەدە تۇنەيتىن بولدى

استانا. قازاقپارات - كانادالىق پوپ-ورىنداۋشى دجاستين بيبەر لوس-اندجەلەس كوشەلەرىنىڭ بىرىندە تۇنەپ شىعاتىن بولدى. ءانشى وسىنداي قادامعا ءۇيسىز-كۇيسىز جۇرگەن جاندارعا قوعام نازارىن اۋدارتۋ ءۇشىن بارعالى وتىرعانىن حابارلاعان.

ول، سونداي-اق، ءوز يميدجىن قالپىنا كەلتىرۋدى دە ماقسات ەتكەنىن جاسىرمايدى.

ايتا كەتەيىك، بيىل دجاستين بيبەر بىرنەشە داۋدىڭ ورتاسىندا قالدى. قاڭتار ايىندا ءانشىنى ماياميدە ماس كۇيىندە كولىك جۇرگىزگەنى ءۇشىن ۇستاعان. شىلدە ايىندا وزگەنىڭ مۇلكىنە زاقىم كەلتىرگەنى ءۇشىن (ول كورشىسىنىڭ ۇيىنە جۇمىرتقا لاقتىرعان) سوت ونى شارتتى تۇردە ەكى جىلعا باس بوستاندىعىنان ايىرعان.

تاعى دا وسى شىلدە ايىندا ول يسپانيانىڭ يبيتسا ارالىندا گولليۆۋد ءارتىسى ورلاندو بلۋممەن توبەلەسكەن. سونداي-اق، قاراشا ايىنىڭ ورتاسىندا سوت ءانشىنى تەرگەۋگە شاقىرىپ، ونىڭ فوتوگرافتى ساباعانداردىڭ ىشىندە بولعانىن انىقتاعان، دەپ جازادى روسبالت.