ريم پاپاسىنىڭ تۋعان كۇنىنىڭ قۇرمەتىنە جۇزدەگەن جۇپ تانگو ءبيىن بيلەدى

استانا. قازاقپارات - جۇزدەگەن جۇپ ريم پاپاسى فرانسيسكتىڭ تۋعان كۇنىن اتاپ ءوتۋ ءۇشىن ريمدەگى اۋليە پەتر الاڭىندا تانگو ءبيىن بيلەدى.

بۇل تۋرالى khabar.kz جازادى.

ريم پاپاسى كاتوليك شىركەۋىنىڭ باسشىسى رەتىندە 2013-جىلى سايلاندى. 78 جاسقا تولعان حورحە ماريو بەرگولو شىركەۋ تاريحىنداعى العاشقى ارگەنتينالىق ريم پاپاسى بولىپ تابىلادى.

ول ريم پاپاسى بولىپ سايلانباس بۇرىن ارگەنتينانىڭ ۇلتتىق ءبيىن جاقسى كورەتىنىن ايتقان. ونى قۇتتىقتاۋ ءۇشىن، ءبي وقىتۋشىسى الەۋمەتتىك جەلىلەردە وسى يدەيا ارقىلى ەرىكتىلەردى جيناپ، وسىنداي ەرەكشە جولمەن مەرەكەنى اتاپ ءوتۋدى ۇسىنعان.

سونىمەن قاتار، فرانسيسكتى قۇتتىقتاۋ ءۇشىن كەلگەن باسقا تىلەۋلەستەر وعان ارگەنتينالىق ماتە سۋسىنى مەن ءوز قۇتتىقتاۋلارىن جانە تورت الىپ كەلىپتى.