قازاقستان الەمدىك ۇزدىك ۋنيۆەرسيتەتتەرى بار ەلدەردىڭ تىزىمىنە ەندى
بۇل تۋرالى م. ۆ. لومونوسوۆ اتىنداعى م م ۋ- ءنىڭ سايتىنان حابارلاندى.
ۋنيۆەرسيتەتتەردىڭ جاڭا رەيتينگى دامۋ ۇستىندەگى ەۋروپا مەن ورتالىق ازيانىڭ 30 ەلدەرىن قامتىدى.
ۋنيۆەرسيتەتتەردى ەكشەۋ ءۇشىن قولدانىلعان ءادىسناما QS جاھاندىق اكادەميالىق كەڭەسى ساراپشىلارىنان كونسۋلتاتسيا الۋ ارقىلى، سونداي- اق جەرگىلىكتى ساراپشىلاردىڭ كومەگىمەن قۇرىلدى. قولدانىلعان كريتەريلەر ايماقتا ەرەكشە ماڭىزدى ۋنيۆەرسيتەتتەردىڭ بۇگىنگى تاڭداعى تىنىس- تىرشىلىگىنىڭ اسپەكتىلەرىن كورسەتۋگە باعىتتالعان.
رەسەي ەلىنىڭ رەيتينگتە 26 ۋنيۆەرسيتەتى كورسەتىلدى، سونىڭ ىشىندە ماسكەۋ مەملەكەتتىك ۋنيۆەرسيتەتى ءبىرىنشى ورىندا تۇر.
رەيتينگكە ۋنيۆەرسيتەتتەرىنىڭ كوپ سانى تۇسكەن كەلەسى ەكى ەل - تۇركيا مەن چەحيا، ودان كەيىن پولشا، قازاقستان، ۆەنگريا جانە ۋكراينا.
تىزىمگە بارلىعى 8 قازاقستاندىق ۋنيۆەرسيتەت ەنگەن. ەڭ جوعارى كورسەتكىشتەرگە ءال- فارابي اتىنداعى قازاق ۇلتتىق ۋنيۆەرسيتەتى (14-ورىن) مەن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتى (23) يە بولدى.
QS World University Rankings - الەمنىڭ ۇزدىك ۋنيۆەرسيتەتتەرى ليگاسىنىڭ جىل سايىنعى بەدەلدى، تانىمال جانە قۇرمەتكە يە رەيتينگى. QS IntelligenceUnit ماماندارى مەن جەتەكشى عالىمداردان تۇراتىن حالىقارالىق كونسۋلتاتيۆتىك كەڭەسپەن تىعىز بايلانىستا جاسالعان QS World University Rankings® تالاپكەرلەر مەن ستۋدەنتتەر، ۋنيۆەرسيتەت ماماندارى مەن الەم ۇكىمەتتەرى اراسىندا كەڭىنەن قولدانىلادى.
