تاۋەلسىزدىك تولعاۋى: تاۋەلسىزدىك جىلدارى قازاقستان ت م د ەلدەرىنىڭ ىشىندە ەرەكشە تانىلدى - قىتاي ساراپشىسى

بەيجىڭ. قازاقپارات - قازاقستان تاۋەلسىزدىك جىلدارى ءوزىنىڭ دامۋ دەڭگەيى بويىنشا ت م د ەلدەرىنىڭ ىشىندە جەتەكشى ورىنداردىڭ بىرىنە يە بولدى. مۇنداي پىكىردى قازاقپاراتقا بەرگەن سۇحباتىندا ق ح ر مەملكەتتىك كەڭەسى جانىنداعى زەرتتەۋ ورتالىعىنىڭ جانىنان ەۋروپا مەن ازيانىڭ الەۋمەتتىك دامۋ ينستيتۋتى ديرەكتورىنىڭ ورىنباسارى چجاو چانتسين ءبىلدىردى.

«قازاقستان تاۋەلسىزدىگىنىڭ 23 جىلىندا وتە تەز دامىپ، الەمدىك ارەنادا بەدەلدى ويىنشىعا اينالدى. جانە قازىر سىزدەردىڭ ەلدەرىڭىز ت م د-نىڭ باسقا ەلدەرىنىڭ اراسىندا ەرەكشە كورىنەدى»، - دەدى ول.

چجاو چانسين 5-6- جەلتوقساندا رەسمي ساپارمەن ق ر- دا بولعان فرانسيا پرەزيدەنتى فرانسۋا وللاندتىڭ قازاقستاننىڭ ەكونوميكانى عانا ءساتتى دامىتىپ وتىرماعانىن، سونىمەن بىرگە ورتالىق ازيا ايماعىندا ماڭىزدى ساياسي رولگە يە دەپ ايتقان ءسوزىن ەسكە سالدى.

«تاياۋدا مەن نۇرسۇلتان نازاربايەۆتىڭ «نۇرلى جول - بولاشاققا باستار جول» جولداۋىمەن تانىستىم. وندا ول قازىرگى الەمدىك ەكونوميكا جاعدايىندا پايدا بولعان مىندەتتەردى شەشۋ بويىنشا وتە ءتيىمدى شارالاردى اتاپ كورسەتكەن. مەن سىزدەردىڭ رەسپۋبليكالارىڭىز قيىندىقتاردى ەڭسەرەتىنىنە جانە «قازاقستان-2050» ستراتەگياسى جۇزەگە اسىرىلادى دەپ سەنەمىن»، - دەپ اتاپ ءوتتى قىتايلىق ساراپشى.

«سىزدەردىڭ ەلدەرىڭىزگە ساتتىلىكتەر مەن گۇلدەنە بەرۋدى، ال حالقىنا باقىت تىلەيمىن»، - دەدى چجاو چانسين قازاقستاندىقتاردى تاۋەلسىزدىك كۇنىمەن قۇتتىقتاي وتىرا.