استاناداعى «الاۋ» مۇز ايدىنىندا جاپپاي سىرعاناق تەبۋ شاراسى ءوتتى - فوتو

استانا. قازاقپارات - تاۋەلسىزدىك كۇنىنە وراي «استانا ەكسپو-2017» ۇلتتىق كومپانياسى جاپپاي مۇزدا سىرعاناۋ ءىس- شاراسىن ۇيىمداستىردى، دەپ حابارلايدى 24.kz.

«الاۋ» مۇز ايدىنىندا وتكىزىلگەن شارا قالا تۇرعىندارى مەن قوناقتارىنىڭ كونكيمەن سىرعاناۋ جارىسىندا باق سىناۋدان باستالدى.

ءجۇز مەتر ارالىقتى باعىندىرۋداعى باستى تالاپ - جىلدامدىق. سىننان سۇرىنبەي وتكەندەر ارنايى سىيلىقتارمەن ماراپاتتالدى. بۇدان بولەك، كوڭىلدى حوككەيشىلەر، ارقان تارتۋ مەن قاپپەن جۇگىرۋ سىندى سايىستار ءوتتى. ال بالالارعا ارنالعان ويىن ايماعىندا كاسىبي انيماتورلار ءتۇرلى قويىلىمدار قويىپ، بىلىكتى حورەوگرافتار ءبيدىڭ قىر- سىرىن ۇيرەتتى.

باعدارلامانىڭ سوڭىندا مەرەكەلىك داستارحان جايىلىپ، جينالعان قاۋىمعا ۇلكەن تورت ۇسىنىلدى.