رۋبلدىڭ قۇنسىزدانۋىنان الدىمەن بولاتىن زارداپتار
بارىنەن دە ازىق-تۇلىك وندىرۋشىلەر وڭاي جولىن تابۋدا، ولار رەسەيدە تاپسىرىس جەتكىزۋشىلەردى ىزدەپ، رەسەي تاۋارلارىن «ەكونوم-كلاسس» رەتىندە تاڭبالاۋدا.
اۋە كومپانيالارى، تۋروپەراتورلار جانە كولىك ساتۋشىلار ازىرگە داعدارىستىڭ ولاردىڭ باعالارىنا قالاي اسەر ەتەتىنىن ەسەپتەۋدە. ال ۆاليۋتالىق مىندەتتەمەلەرى جوق قۇرىلىسشىلار جۇمىستى توقتاتۋعا دايىن: ارزان قارجىدان ايىرىلعان بانكتەر نەسيەلەر بويىنشا پايىزداردى كوتەرىپ، جەكە قارىزگەرلەر ءۇشىن يپوتەكا بويىنشا تولەمدەردى كوتەرۋدە.
بالىق وندىرۋشىلەر رۋبل باعامىنىڭ تومەندەۋىنە جانە الەمدىك نارىقتا نورۆەگيا بالىعىنا دەگەن باعانىڭ شارىقتاۋىنا بايلانىستى شەتەلدەن شيكىزات ساتىپ الۋدى توقتاتتى، دەپ ناقتىلادى بالىق نارىعىنىڭ وندىرىستىك جانە ساۋدا كاسىپورىندارى قاۋىمداستىعىنىڭ پرەزيدەنتى، «سولتۇستىك كومپانيا»-نىڭ باس ديرەكتورى ۆيتالي كورنيەۆ.
ونىڭ سوزىنشە، كومپانيالار مۋرمانسك جانە كارەل قىزىل بالىعىنا كوشتى جانە بىرنەشە اپتادان بەرى ۆاكۋۋم ورامالارداعى از تۇزدالعان بالىق ەتى مەن مۇزداتىلعان شيكىزات قورىن جاساپ جاتىر. ول قالىپتاسقان جاعداي كومپانيالاردىڭ بۇرىن ءمان بەرمەي كەلگەن شيكىزاتتى، ماسەلەن، ۇساق بالىقتى قايتا وڭدەۋگە كىرىسەتىنىنە سەنىمدى.
«رۋساگرو»-نىڭ باس ديرەكتورى ماكسيم باسوۆ حولدينگتىڭ دايىن ءونىم رەتىندە بارلىق باعىتتار بويىنشا (شوشقا ەتى، قانت) قورلار جاساپ جاتقانىن حابارلادى. سونىمەن بىرگە ءوندىرىس ءۇشىن قاجەتتى ونىمدەردىڭ دە قورلارى جاسالۋدا - بۇل قازىرگى جاعدايدا اقشانى ساقتاۋدىڭ ەڭ ءتيىمدى ءتاسىلى، دەيدى ول.
