مەرەكە كۇنى قىزىلوردا قالاسىنىڭ اكىمىنە سوعىس ارداگەرى باتا بەردى

قىزىلوردا. قازاقپارات - قازاقستان رەسپۋبليكاسىنىڭ تاۋەلسىزدىگى مەرەكەسىنە وراي قىزىلوردا قالاسىنىڭ اكىمى نۇرلىبەك نالىبايەۆ ءبىرقاتار ۇ و س ارداگەرلەرىنىڭ ۇيىندە بولىپ، ۇلىق مەرەكەمەن قۇتتىقتاپ قايتتى.

قالا اكىمى ن. نالىبايەۆ: «ۇلى جەڭىس بولماعاندا كوپتەگەن ەلدەر مەن حالىقتاردىڭ تاعدىرى بۇگىنگىدەن مۇلدە باسقاشا قالىپتاسار ەدى. «ەر باقىتى ەل قولىندا، ەل باقىتى ەر قولىندا» دەپ باتىر اتامىز باۋىرجان مومىش ۇلى ايتىپ كەتكەندەي، سىزدەر ەرەن ەرلىكتەرىڭىزدىڭ ارقاسىندا بۇگىنگى ۇرپاقتىڭ بەيبىتشىلىك پەن تىنىشتىقتا، بەرەكەسى مەن بىرلىگى جاراسقان تاۋەلسىز ەلدە ءومىر سۇرۋىنە مول ۇلەس قوستىڭىزدار» - دەي كەلە، ارداگەرلەرگە ارنايى سىي-سياپاتتارىن تابىستادى.

ءوز كەزەگىندە ۇ و س ارداگەرى، حالىقتىڭ قازىنالى قارياسى اتانعان، 20 نەمەرە، 10 شوبەرەنىڭ اق ساقالدى اتاسى، 92 جاستاعى نۇرىمبەتوۆ يبراگيم اتامىز قالا اكىمىنە جانە جالپى قالا باسشىلىعىنا كورسەتكەن قۇرمەتتەرى ءۇشىن العىسىن ايتىپ، اق باتاسىن بەردى.

جالپى، قىزىلوردا قالاسى بويىنشا بۇگىندە 44 ۇوس ارداگەرى بولسا، مەرەيلى مەرەكە كۇنى قالالىق ارداگەرلەر كەڭەسى جانە قالا باسشىلىعى بارلىق ارداگەرلەردى ارالاپ، مەرەكەلىك سىيلىقتارمەن قاتار قالا اكىمىنىڭ ارنايى قۇتتىقتاۋ حاتىن تابىستادى.

اۆتور: ەلۋباي اۋەزوۆ