قىزىلوردالىق «سەيحۇن ك ا م- ق م ۋ» كومانداسى جەتى دۇركىن ەل چەمپيونى اتاندى - فوتو
بۇل تۋرالى وبلىستىق دەنە شىنىقتىرۋ جانە سپورت باسقارماسىنىڭ باسپا ءسوز قىزمەتىنەن حابارلادى.
بيىلعى ماۋسىمنىڭ سوڭعى تۋرىنا ەلىمىزدىڭ ۇزدىك 4 كومانداسى ءوزارا باق سىناستى. قىزىلوردالىق كوماندا فينالدا الماتى وبلىسىنىڭ «ىلە» كومانداسىمەن كەزدەسىپ، ويىننىڭ نەگىزگى ۋاقىتىندا تەڭ ءتۇسىپ، قوسىمشا ۋاقىتتا 36:32 ەسەبىمەن جەڭىسكە جەتتى.
«بۇل جەتىستىگىمىزدى ەلىمىزدىڭ تاۋەلسىزدىگى مەرەكەسىنە ارنايمىز»، - دەدى وبلىستىڭ اعا جاتتىقتىرۋشىسى ۆياچەسلاۆ كيم.
كوماندانىڭ ايتۋلى جەڭىسكە جەتۋىنە ەلەۋلى ۇلەس قوسقان ق ر- نىڭ حالىقارالىق دارەجەدەگى سپورت شەبەرى ەۆگەنيا سۋپەنكوۆا چەمپيوناتتىڭ «ۇزدىك قاقپاشىسى» نوميناتسياسىن يەلەندى. وسىلايشا، «سەيحۇن ك ا م- ق م ۋ» كومانداسى وسىمەن 7 دۇركىن ق ر چەمپيونى اتاندى.
ەكىنشى ورىندى «ىلە» كومانداسى (الماتى وبلىسى) يەلەنسە، ءۇشىنشى ورىن الماتى قالاسىنىڭ گاندبول كلۋبىنا بۇيىردى. ال استانا قالاسىنىڭ گاندبول كلۋبى ءتورتىنشى ورىندى ەنشىلەدى.
ايتا كەتەيىك، وسى جارىستىڭ قورىتىندىسى بويىنشا قىزىلوردالىق كوماندانىڭ 7 ويىنشىسى ۇلتتىق قۇراما كوماندا ساپىنا ەندى.
اۆتور: ەلۋباي اۋەزوۆ
