ەمدەلۋشىنىڭ اعزالارىن زاڭسىز العان
رەسەي فەدەراتسياسىنىڭ تەرگەۋ كوميتەتىنىڭ ماسكەۋ قالالىق باس باسقارماسىندا حابارلانعانداي، دارىگەرلەر تۋىستارىنىڭ كەلىسىمىنسىز قازا تاپقان پاتسيەنتتىڭ اعزالارىن العان.
بۇل زاڭسىزدىق جەلتوقسان ايىنىڭ 12- كۇنى ورىن العان. الايدا، پوليتسيا بۇل زاڭسىزدىق قاي ەمحانادا ورىن العاندىعىن حابارلاعان جوق. LifeNews تەلەارناسىنىڭ كەلتىرگەن مالىمەتىنە قاراعاندا، بۇل سۇمدىق 81- ءنومىرلى اۋرۋحانادا ورىن العان.
دارىگەرلەر 41 جاستاعى كەلىنشەككە وتا جاساعان. الايدا، پاتسيەنت كوماعا تۇسكەن. جانساقتاۋ بولىمىندە جاتقان ايەلگە تۋىستارىن كىرگىزبەگەن ەكەن. بىرنەشە كۇننەن كەيىن ايەلدىڭ قازا تاپقانىن حابارلاعان. ءبىرازدان سوڭ ونىڭ تۋىستارىنا اتى-ءجونىن اتاماعان مەديتسينا مەكەمەسىنىڭ قىزمەتكەرى قوڭىراۋ شالىپ، دارىگەرلەردىڭ ءالى ءتىرى ايەلدىڭ ىشكى اعزالارىن الماق بولعاندىعىن جايىپ سالعان. تەرگەۋشىلەر ءمايىتحاناعا جەتكىزىلمەي تۇرىپ، دارىگەرلەردىڭ ايەل پاتسيەنتتىڭ قارنىن جارعانىن انىقتادى. كەيىن بەلگىلى بولعانداي، دارىگەرلەر پاتسيەنتتىڭ ءتورت بىردەي اعزاسىن العان: بۇيرەك، قالقانشا بەزىن جانە باۋىرىن. قازا تاپقان ايەلدىڭ ارتىندا 7 جانە 19 جاستاعى ەكى ۇلى قالدى.
islam.kz
