07:41, 18 - جەلتوقسان 2014 | GMT +5
قۇران اۋدارمالارىنىڭ كورمەسى وتۋدە
استانا. قازاقپارات - تەگەراان قالاسىنداعى (يران استاناسى) اللامە تاباتاباي اتىنداعى ۋنيۆەرسيتەتتە ءتۇرلى تىلدە جارىق كورگەن قاسيەتتى قۇران دانالارىنىڭ كورمەسى وتۋدە. ناقتىراق ايتقاندا، كورمەگە پارسى، ورىس، قىتاي، نەمىس، فرانسۋز، اعىلشىن، تۇرىك، ءازىربايجان، يسپان جانە وزگە دە تىلدەردە جارىق كورگەن قاسيەتتى كىتاپتىڭ دانالارى قويىلعان.
سونداي-اق، بۇل كورمەدەن قۇراندى ءتارجىمالاعان ادامدار تۋرالى اقپاراتتار قامتىلعان پلاكاتتاردى دا تاماشالاۋعا بولادى. اتالمىش شارا قۇراندى اۋدارۋ جونىندەگى تۇڭعىش رەت وتكىزىلىپ وتىرعان حالىقارالىق كونفەرەنسيا اياسىندا قولعا الىنعان بولاتىن.
وسىناۋ جيىنعا الەمنىڭ ون ەلىنەن، اتاپ ايتقاندا، رەسەي فەدەراتسياسىنان، فرانسيادان، يسپانيادان، پاكىستاننان، قىتايدان جانە ءازىربايجاننان، ت. ب. ەلدەردەن بىلىكتى اۋدارماشىلار قاتىسۋدا. بۇل جايىندا Islam-today اقپارات كوزى حابار تاراتتى.
