ماڭعىستاۋ وبلىسى بالا تۋۋدان رەكوردتىق كورسەتكىشكە يە
ومىرگە تورسىقتاي ۇل بالا كەلدى. بۇل اقتاۋداعى وبلىستىق پەريناتالدى ورتالىقتا بۇگىن جارىق دۇنيە ەسىگىن اشقان 25- ءسابي.
ساياحات مۇرسال، جاس بوسانعان انا:
- بۇل - ەكىنشى ۇلىم. ولشەمى - 5 كەلى، 56 س م. تۇڭعىشىم 4 كەلى، 55 س م بولاتىن. دەنساۋلىعىمىز جاقسى. ءبىر- ەكى كۇندە ۇيگە بارامىز دەپ ويلايمىن. قازاقستاننىڭ دەموگرافياسىن وسىرۋگە ءالى دە ۇلەس قوسامىز.
ماڭعىستاۋلىق انالار راسىمەن دە حالىق سانىنىڭ كوبەيە تۇسۋىنە بارىنشا ۇلەس قوسىپ كەلەدى. نەبارى 600 مىڭ تۇرعىنى بار ايماقتا بيىل 19 مىڭ شاقالاق تۋعان. بۇل رەكوردتىق كورسەتكىش. ستاتيستيكالىق مالىمەتتەرگە سۇيەنسەك، ءوڭىر تۇرعىندارىنىڭ سانى جىلما-جىل مىڭ بالاعا ارتىپ وتىر.
جامال جامانبايەۆا، ماڭعىستاۋ وبلىستىق پەريناتالدىق ورتالىقتىڭ ديرەكتورى:
- ماڭعىستاۋ وبلىسى قاشان دا تۋۋ كورسەتكىشى جونىنەن الدىڭعى ورىندا كەلە جاتىر. وڭتۇستىك قازاقستان وبلىسىنان دا جوعارى. مىڭ بالاعا شاققاندا، ولار بىزدەگى كورسەتكىشتەن تومەندەۋ تۇر.
بالا تۋۋ كورسەتكىشىنىڭ ۇزدىكسىز ءوسۋى ايماق تۇرعىندارىنىڭ الەۋمەتتىك جاعدايىنىڭ جاقسارا ءتۇسۋىن جانە حالىقتىڭ جاستىعىن كورسەتەدى. ياعني بوساناتىن جاستاعى ايەلدەر سانى كوپ. ءبىر قۋانتارلىعى، بەسىنشى، التىنشى، ءتىپتى جەتىنشى پەرزەنتىن دۇنيەگە اكەلگەن التىن قۇرساقتى انالاردىڭ سانى دا ارتىپ وتىر دەيگەندى العا تارتادى اكۋشەر-گينەكولوگتار. مىڭداعان انا مەن بالانىڭ امان-ەسەن قاۋىشۋىنا جاردەمدەسىپ كەلە جاتقان اقتاۋداعى پەريناتالدى ورتالىق بيىل «قازاقستانداعى ۇزدىك پەرزەنتحانا» اتاندى.
24.kz
