جولاۋشىلاردى اپاتتان امان الىپ قالعان قىراعى تەمىر جول قىزمەتكەرلەرى ماراپاتتالدى
قاندى اعاش ۆاگون دەپوسىنىڭ ۆاگون قاراۋشىسى ايبەك بالپەيىسوۆتىڭ قىراعىلىعى ناتيجەسىندە «تاشكەنت- ۋفا» باعدارىنداعى №381 پويىزدىڭ دوڭعالاق جۇبىنان جارىقشاقتى كورىپ قالىپ، جولاۋشىلاردى اپاتتان امان ساقتاپ قالدى. قىراعى ۆاگون قاراۋشىنىڭ ۇجىمى ونى «قۇرمەتتى تەمىرجولشى» اتاعىنا ۇسىندى.
سوڭعى كەزدەرى ۆاگون ارباشالارىندا اقاۋلىقتار مەن جارىقشاقتار كوپ انىقتالۋدا. ماسەلەن، بۋراباي شيپاجايى ستانساسىندا ۆاگون قاراۋشى الەكسەي كۋكيس №2951 جۇك پويىزىنىڭ №51537488 ۆاگونىنىڭ ءبۇيىر جاقتاۋشاسىنان جارىقشاق بايقاپ قالعان.
ال استانا ستانساسىندا تەحنيكالىق قىزمەت كورسەتۋشى الىبەك ايماعامبەتوۆ ۆاگوننىڭ ءبۇيىر جاقتاۋشاسىنىڭ سىنعانعىن كورىپ قالدى. وسىنداي قىراعى ۆاگونشىلار سەرگەي ۆويتوۆيچ، سەرىك مانانوۆ، ەرقانات نۇرماعامبەتوۆ، ميحايل كوسترۋب، ارمان نۇرمۇراتوۆ، سابىر شاعىروۆ، مەيىرمان نارەگەيەۆ «قوزعالىس قاۋىپسىزدىگى ءۇشىن» توسبەلگىسىمەن ماراپاتتالدى.
وسىلايشا، «قازاقستان تەمىر جولى» ۇ ك» ا ق باسشىلىعى وتاندىق تەمىر جول كولىگىنىڭ قوزعالىس قاۋىپسىزدىگىن قامتاماسىز ەتۋگە كۇش-جىگەرىن جۇمساعان جانداردى ءوز دارەجەسىندە قۇرمەتتەدى.
«قازىرگى تاڭدا جۇك ۆاگوندارىنىڭ ءبۇيىر جاقتاۋشالارىنىڭ سىنۋى ءجيى كەزدەسەدى. مۇنداي وقىس وقيعا اپاتتى جاعدايلارعا ۇرىندىرادى، تەمىر جول ينفراقۇرىلىمىنا زالال كەلتىرەدى. جولاۋشىلاردىڭ ومىرىنە دە اسا زور قاۋىپ تۋادى. مۇنداي جاعدايلاردىڭ الدىن الۋ ماقساتىندا «ق ت ج» ۇ ك» ا ق ۆاگون پايدالانۋ دەپارتامەنتى كەشەندى شارالاردى جۇيەلى وتكىزەدى. سونداي-اق تاجىريبەلى ۆاگون قاراۋشىلاردىڭ ءىس-تاجىريبەسى «قازاقستان تەمىر جولى» ۇ ك» ا ق-ىندا الدىڭعى قاتارلى وزىق ادىستەمە رەتىندە تاراتىلىپ وتىرادى.
قىس ايلارى قاۋىپتى بولعاندىقتان، ق ت ج 2014 - جىلعى قاراشا مەن 2015 - جىلعى ناۋرىز ارالىعىندا «ساق بولىڭىز: ءبۇيىر جاقتاۋشاسى!» ەرەكشە قاداعالاۋ كەستەسىن ەنگىزدى»، دەلىنگەن حابارلامادا.
