كونە تۇركى جاۋىنگەرىنىڭ قارۋ-جاراعى پۋتينگە جاڭا جىلعا سىيعا تارتىلادى
سىيلىقتى پرەزيدەنتكە ۋنيۆەرسيتەت رەكتورى مەن اتاقتى تاريحشى عالىمدار 17- جەلتوقساندا نوۆوسىبىردەگى يتار-تاسس باسپا ءسوز ورتالىعىندا تابىس ەتەدى. كەيىن بۇل جادىگەرلەر كرەملدىڭ مۇراجايىنا قويىلادى دەگەن جوسپار بار.
رەسەي پرەزيدەنتى اتالعان ۋنيۆەرسيتەت عالىمى لەونيد بوبروۆتىڭ جەلتوقسان ايىنىڭ باسىندا جاساعان ورتا عاسىرداعى قارۋ-جاراقتار تۋرالى بايانداماسىنان كەيىن كونە تۇركى ساۋىت-سايماندارىنا قىزىعۋشىلىق بىلدىرگەن. لەكسيا بارىسىندا پۋتين نوۆوسىبىرلىك عالىمداردان دۋلىعانىڭ كوشىرمەسىن كرەمل مۇراجايىنا بەرىپ جىبەرۋدى سۇراعان.
بوبروۆتىڭ ايتۋىنشا، كرەمل قورىنا كونە تۇركى جاۋىنگەرىنىڭ قورعانىش قۇرال-جابدىقتارىنىڭ تولىق جيىنتىعىن بەرۋ تۋرالى شەشىم قابىلدانعان، جيىنتىقتا: دۋلىعا، بولاتتى ساۋىت، شەكپەن، كۇمىس پلاستينالى بەلدىك، قالقان مەن جالاۋلى نايزا بار.
