حالىقارالىق ىزدەۋدە جۇرگەن قازاقستاندىق بىشكەكتە ۇستالدى

استانا. قازاقپارات - بىشكەكتە حالىقارالىق ىزدەۋدە جۇرگەن قازاقستاندىق ۇستالدى، - دەپ حابارلايدى «ۆەچەرني بيشكەك».

بىشكەك قالاسىنىڭ 23 جاستاعى تۇرعىنى قۇقىق قورعاۋ ورگاندارىنا حابار بەرەدى. ول بەلگىسىز بىرەۋلەردىڭ گوركي كوشەسىندەگى «ۆەكو» تۇرمىس زاتتارى دۇكەنىنىڭ تەرەزەسىن سىندىرىپ، ىشىنە كىرىپ، 20 مىڭ سوم مەن ءۇش Аcer نوۋتبۋگىن، ەكى Sony تەلەديدارىن توناپ كەتكەنىن حابارلادى. الدىن الا مالىمەتتەر بويىنشا، ماتەريالدىق شىعىننىڭ كولەمى - 150 مىڭ سوم بولدى. وسى دەرەك بويىنشا پەرۆومايسكي اۋدانىنىڭ ىشكى ىستەر باسقارماسىنىڭ تەرگەۋ بولىمىندە «وندىرىستىك ءۇي-جايعا نە قويماعا كىرۋ ارقىلى بوتەننىڭ مۇلكىن زاڭسىز يەمدەنۋ» بابى بويىنشى قىلمىستىق ءىس قوزعالدى.

جەدەل- ىزدەۋ شارالارى كەزىندە قىلمىستىق ىزدەۋ قىزمەتكەرلەرى كۇدىكتىنى ۇستادى. ول ءوزىن ازامات تەندەش ۇلى ەلۋبايەۆ دەپ تانىستىرىپ، 1991-جىلى تۋىلعانىن ايتتى. ءبىراق تەرگەۋ كەزىندە جىگىتتىڭ جەكە باسىنا قاتىستى باسقا مالىمەتتەرى پايدا بولدى. ۇستالعان ازامات قازاقستاننىڭ 23 جاستاعى ازاماتى بولىپ شىقتى.

مۇنىمەن قاتار، ۇستالعان ازامات قازاقستاندا اسا ءىرى كولەمدە بوتەننىڭ مۇلكىن توناعانى ءۇشىن حالىقارالىق ىزدەۋدە ەكەنى انىقتالدى. قازىرگى ۋاقىتتا ونىڭ بىشكەكتە بولعان وزگە دە توناۋلارعا قاتىسى بار-جوعى تەكسەرىلىپ جاتىر. تەرگەۋ جالعاسىپ جاتىر.
tengrinews.kz