10:51, 16 - جەلتوقسان 2014 | GMT +5
تاۋەلسىزدىك تولعاۋى: باقتيار ارتايەۆ: ەلىمىز ءۇشىن ەڭ قىمباتتى، ەڭ باعالى، تاريحي ماڭىزى زور مەرەكەمىز قۇتتى بولسىن
استانا. قازاقپارات - وليمپيادا چەمپيونى، ايگىلى قازاق بوكسشىسى باقتيار ارتايەۆ قازاقستان حالقىن تاۋەلسىزدىكپەن قۇتتىقتادى.
«ارداقتى وتانداستار! ەلىمىز ءۇشىن ەڭ قىمباتتى، ەڭ باعالى، تاريحي ماڭىزى زور مەرەكەمىز قۇتتى بولسىن! جەرىمىز تىنىش، ەلىمىز امان، تاۋەلسىزدىگىمىز ماڭگىلىك بولسىن! قازاق ەلى جاساسىن!»، - دەيدى بوكسشى ءوزىنىڭ فەيسبۋكتەگى پاراقشاسىندا.
قازىرگى ۋاقىتتا ب. ارتايەۆ لوندوندا «بولاشاق» باعدارلاماسى بويىنشا بىلىم الۋدا.
بۇنىڭ الدىندا الەۋمەتتىك جەلىلەر ارقىلى تاۋەلسىزدىك كۇنىمەن قۇتتىقتاعان سپورت جۇلدىزدارى بولعانىن ايتا كەتەيىك. ۆەلوشاباندوز الەكساندر ۆينوكۋروۆ Instagram ارقىلى قۇتتىقتاۋ جولداسا، اۋىر اتلەت يليا يلين مەملەكەت باسشىسىمەن تاريحي سەلفي جاساپ ۇلگەردى.
اۆتور: جاسۇلان جولدىبايەۆ
