قورقىت اتا كەشەنى ادامداردىڭ قاستەر تۇتار قاسيەتتى ورنى

قىزىلوردا. قازاقپارات - وبلىس اكىمى قىرىمبەك كوشەربايەۆ قورقىت اتا كەشەنىن جاڭعىرتۋ جۇمىستارىن جۇرگىزۋگە قاتىسقان قۇرىلىسشىلارمەن كەزدەستى، دەپ حابارلادى وبلىس اكىمدىگىنىڭ باسپا ءسوز قىزمەتىنەن.

بۇكىل تۇركى الەمىنىڭ ابىزى اتانعان قورقىت اتا مەموريالدىق كەشەنى از عانا ۋاقىت ىشىندە قايتا جاڭعىرتىلىپ، بۇگىندە قۇرىلىس جۇمىستارى اياقتالدى. وسى بەرەكەلى ىسكە بەل شەشە ارالاسىپ، ءىستىڭ باسى-قاسىندا بولعان ازاماتتارعا وبلىس اكىمى قىرىمبەك كوشەربايەۆ العىس ءبىلدىردى.

- اتالمىش بىرەگەي كەشەننىڭ ادامداردىڭ قاستەر تۇتار قاسيەتتى ورنى، كونەنىڭ كوزىن كيە تۇتار تۋريستەردىڭ ات باسىن تىرەر جادىگەر جەرى بولارى ءسوزسىز، - دەگەن ايماق باسشىسى قورقىت اتا مەموريالدىق كەشەنى قۇرىلىسىن جۇرگىزۋ بارىسىندا ەرەكشە ەڭبەك ەتكەن ۇزدىكتەردى  قىزىلوردا وبلىسىنىڭ قۇرمەت گراموتاسىمەن جانە وبلىس اكىمىنىڭ العىس حاتىمەن ماراپاتتادى.

اۆتور: ەلۋباي اۋەزوۆ