23:46, 15 - جەلتوقسان 2014 | GMT +5
ازەربايجان پرەزيدەنتى ەلباسىن قازاقستان رەسپۋبليكاسىنىڭ تاۋەلسىزدىك كۇنىمەن قۇتتىقتادى
باكۋ. قازاقپارات - ازەربايجان پرەزيدەنتى ەلباسى نۇرسۇلتان نازاربايەۆتى قازاقستان رەسپۋبليكاسىنىڭ تاۋەلسىزدىك كۇنىمەن قۇتتىقتادى.
«شىن جۇرەكتەن سىزدى جانە باۋىرلاس قازاق حالقىن ۇلتتىق مەرەكە - تاۋەلسىزدىك كۇنىمەن قۇتتىقتايمىن. ازەربايجان مەن قازاقستاندى سان عاسىردان بەرى قالىپتاسقان دوستىق، ىقپالداستىق جانە ستراتەگيالىق ارىپتەستىك قاتىناستار بايلانىستىرادى. بۇگىنگى تاڭدا ءسىزدىڭ باسشىلىعىڭىزبەن باۋىرلاس قازاقستان الەمدىك قاۋىمداستىق الدىندا بەدەلى ارتىپ كەلەدى. مەن ەكىجاقتى دامۋ مەن ءداستۇرلى دوستىق قاتىناسىمىز، كوپسالالى ىقپالداستىعىمىز بەن ءبىر-بىرىمىزگە دەگەن قولداۋىمىز بۇدان كەيىن دە ارتا بەرەدى دەگەن سەنىمدەمىن»، - دەلىنگەن قۇتتىقتاۋدا.
سونداي-اق، يلحام اليەۆ نۇرسۇلتان نازاربايەۆقا زور دەنساۋلىق، تابىس پەن بەرەكە، ال قازاق حالقىنىڭ ءوسىپ-وركەندەي بەرۋىن تىلەدى.
