نۇرلان جولامانوۆتان ونى قاماۋعا الۋعا كەدەرگى بولاتىن سىرقاتتار تابىلمادى

استانا. قازاقپارات - دارىگەرلەر ق ر شەكارا قىزمەتىنىڭ بۇرىنعى ديرەكتورى نۇرلان جولامانوۆتان ونىڭ ۇ ق ك- ءنىڭ تەرگەۋ وقشاۋلاعىشىنا قامالۋىنا كەدەرگى بولاتىن سىرقاتتاردى تاپپادى، دەپ حابارلادى ق ر ۇلتتىق قاۋپسىزدىك كوميتەتتىنىڭ باسپا ءسوز قىزمەتىنەن.

 «جۇرگىزىلگەن تاۋەلسىز مەديتسينالىق تەكسەرۋلەر ناتيجەسىندە ن. ا. جولامانوۆتا ونىڭ تەرگەۋ وقشاۋلاعىشىنا قامالۋىنا كەدەرگى بولاتىن دەرتتەردىڭ جوق ەكەنى انىقتالدى. ول كەزدەسۋگە شىعۋ، كۇندەلىكتى سەرۋەندەۋ، سالەمدەمەلەر الۋ، مەديتسينالىق- سانيتارلىق كومەكتەر الۋ ءتارىزدى مۇمكىندىكتەردە شەكتەلمەگەن»، - دەلىنگەن حابارلامادا.

ۇ ق ك مالىمەتتەرى بويىنشا، اعىمداعى جىلدىڭ 3 - جەلتوقسانىندا ن. ا. جولامانوۆقا قاتىستى ۇيىمداسقان قىلمىستىق توپتىڭ قۇرامىندا بولىپ، ءتۇرلى كوممەرتسيالىق قۇرىلىم وكىلدەرىنەن پارا الدى دەگەن 13 ەپيزود بويىنشا قىلمىستىق ءىستىڭ تەرگەۋى اياقتالدى.

«قازىرگى ۋاقىتتا قىلمىستىق- پروتسەسسۋالدىق كودەكستىڭ 275- بابىنا سايكەس ايىپتالۋشى مەن ونىڭ قورعاۋشىلارىن قىلمىستىق ءىستىڭ ماتەريالدارىمەن تانىستىرۋ جۇرگىزىلۋدە. سونىمەن بىرگە ولارعا قىلمىستىق ءىستىڭ بارلىق ماتەريالدارىنىڭ كوشىرمەلەرى ونىڭ قوسىمشالارىمەن تاپسىرىلدى»، - دەپ كورسەتىلگەن حابارلامادا.

ەسكە سالا كەتەيىك، نۇرلان جولامانوۆ 2014 - جىلدىڭ 27 - قازانىندا ۇستالدى. اقمولا گارنيزونىنىڭ اسكەري سوتى ونى 27 - جەلتوقسانعا دەيىن قاماۋعا الۋ تۋرالى شەشىم شىعاردى.