قازاقستانداعى جىلدىڭ ەڭ ۇزدىك بوكسشىلارىنىڭ ەسىمدەرى بەلگىلى بولدى
«ەرەسەكتەر اراسىندا ۇزدىك بوكسشى رەتىندە ازيا ويىندارىنىڭ چەمپيونى، الەم چەمپيونى دانيار ەلەۋسىنوۆتىڭ ەسىمى اتالدى، جاستار اراسىندا نانكيندەگى جاسوسپىرىمدەردىڭ جازعى وليمپيادا ويىندارىندا قازاقستان ءۇشىن ءبىرىنشى التىندى ۇتقان ابىلايحان ءجۇسىپوۆ ۇزدىك بوكسشى اتاندى»، - دەلىنگەن فەدەراتسيانىڭ حابارلاماسىندا.
ايەلدەر اراسىنداعى ۇزدىك بوكسشى - نازىم قىزايباي، ول بيىلعى جىلى ەل تاريحىندا ءبىرىنشى رەت وڭتۇستىك كورەياداعى الەم چەمپيوناتىندا التىندى ەنشىلەدى.
ەرەسەكتەر اراسىندا ۇزدىك باپكەر بولىپ ۇلتتىق قۇرامانىڭ جاتتىقتىرۋشىسى مىرزاعالي ايتجانوۆ اتانسا، جاستار اراسىندا - عالىمبەك كەنجەبايەۆتىڭ ەڭبەگى ەلەندى.
ايەلدەر ۇلتتىق قۇراماسىنىڭ اعا جاتتىقتىرۋشىسى ۆاديم پريسياجنيۋك ايەلدەر اراسىنداعى ۇزدىك تالىمگەر، ال ۇزدىك رەفەري بولىپ وڭتۇستىك قازاقستان وبلىسىنىڭ وكىلى الىشەر التايەۆ تانىلدى.
