12:18, 15 - جەلتوقسان 2014 | GMT +5
ش ى ۇ ۇكىمەت باسشىلارى كەڭەسىنىڭ شاعىن قۇرامداعى وتىرىسى ءوتىپ جاتىر
استانا. قازاقپارات - ەلورداداعى تاۋەلسىزدىك سارايىندا شاڭحاي ىنتىماقتاستىق ۇيىمىنا مۇشە مەملەكەتتەردىڭ ۇكىمەت باسشىلارى كەڭەسىنىڭ شاعىن قۇرامداعى وتىرىسى وتۋدە.
وتىرىسقا ق ر پرەمەر-ءمينيسترى كارىم ءماسىموۆ، رەسەي پرەمەرى دميتري مەدۆەدەۆ، قىرعىزستان پرەمەرى جوومارت وتاربايەۆ، تاجىكستان پرەمەرى كوحير راسۋلزادا، وزبەكستان پرەمەر-ءمينيسترىنىڭ ءبىرىنشى ورىنباسارى رۋستام ازيموۆ جانە قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي كىشياڭ قاتىسۋدا.
ساعات 14-20 دا ۇكىمەت باسشىلارى كەڭەسىنىڭ كەڭەيتىلگەن قۇرامداعى وتىرىسى وتەتىندىگى كۇتىلۋدە.
ال رەسمي شارالار اياقتالعاننان كەيىن قۇجاتتارعا قول قويۋ ءراسىمى بولادى. ودان كەيىن ق ر ۇكىمەت باسشىسى كارىم ءماسىموۆ پەن ش ى ۇ باس حاتشىسى دميتري مەزەنتسيەۆتىڭ ب ا ق وكىلدەرىنە بريفينگى جوسپارلانعان.
اۆتور: مارلان جيەمباي
