جاس بيزنەسمەن قازاقستان ءۇشىن تىڭ جوبا ۇسىندى
قۇرىلىستى جۇرگىزۋگە، ونىڭ ىشىندە توبەلەردى جاۋىپ، گيدرويزولياتسيالىق جۇمىستارعا قولدانۋعا بولاتىن جۇمساق قۇرىلىس ماتەريالىن پاۆلودارلىق جاس كاسىپكەر ويلاپ تاپقان.
ونىڭ ايتۋىنشا، بۇل - شاتىردى جابۋدىڭ يننوۆاتسيالىق تەحنولوگياسى.
25 جاستاعى بيزنەسمەن قازاقستان ءۇشىن تىڭ جوبانى «تۇرعىن ءۇي-كوممۋنالدىق شارۋاشىلىعى - EXPO-2014» حالىقارالىق كورمەسىندە تانىستىردى.
اۆتوردىڭ پىكىرىنشە، جاڭا تەحنولوگيانى قۇرىلىسقا قولدانۋ ەلىمىزدە تۇرعىن ءۇي قۇرىلىسى باعدارلاماسىن قارقىندى جۇزەگە اسىرۋعا سەپتىگىن تيگىزەدى. بۇگىنگى تاڭدا كاسىپكەر ءتۇرلى كورمەلەرگە قاتىسىپ ءجۇر.
كەلەشەكتە سۇيىق رەزينا ءوندىرىسىن ۇيىمداستىرۋدى قولعا الماق. ول جەرگىلىكتى ءونىمنىڭ باعاسى دا ارزانعا تۇسەتىنىن جەتكىزدى.
ارنۇر نۇرعاليەۆ، كاسىپكەر: - اتالعان تەحنولوگيانىڭ كومەگىمەن ءبىز ەڭبەك شىعىنىن ازايتىپ، جۇمىس قارقىنىن ارتتىرامىز. قولدانىلۋ مەرزىمىن ۇزارتامىز. قاراپايىم تەحنولوگيا بالامالى ماتەريالدارمەن سالىستىرعاندا ءۇش ەسە ارزانعا تۇسەدى.
24.kz
