08:31, 15 - جەلتوقسان 2014 | GMT +5
ءتورت جاسار قىز بالالار كيىمىنىڭ توپتاماسىن شىعارادى - فوتو
استانا. قازاقپارات - امەريكالىق J. Crew برەندى 4 جاسار مەيحەم كايزەرمەن بىرىگىپ، بالالار كيىمىنىڭ توپتاماسىن شىعارادى. كىشكەنتاي قىزدىڭ ويلاپ تاپقان كيىم ۇلگىلەرى 2015-جىلدىڭ جاز ايلارىنان باستاپ شىعادى، كيىمدەردىڭ باستاپقى باعاسى 22,5 دوللاردان تۇراتىن بولادى، دەپ جازادى شەتەلدىك ب ا ق.
مەيحەم ءساندى كويلەك ۇلگىلەرىن قاعازدان جاسايدى، ال ماماندار ونىڭ يدەيالارىن پايدالانىپ كويلەكتەردى ماتادان تىگەدى. دايىن كيىمدەر J. Crew برەندىمەن ساتىلىمعا شىعادى. Crewcuts كومپانياسىنىڭ باسشىسى دجەنني كۋپەر مەيحەمنىڭ جاساعان كيىم ۇلگىلەرىن كورىپ تاڭدانىسىن جاسىرا الماعانىن ايتتى.
مەيحەمنىڭ اتى اناسى ينستاگرامدا اككاۋنت اشىپ، قىزىنىڭ جاساعان كيىم ۇلگىلەرىن جاريالاعاننان باستاپ تانىلعان.
