فين شىعاناعىندا تاڭعاجايىپ مۇز شارلار پايدا بولدى
شىعاناق جاعالاۋى ديامەترى 5-10 س م قۇرايتىن مۇز شارلارى پىشىنىندە قاتىپ قالعان. ولار ءبىر-بىرىنە تىرەلىپ تۇرعان. ساراپشىلاردىڭ ايتۋىنشا، ولار بۇرىن تابيعاتتاعى مۇنداي قۇبىلىستى كورمەگەن. مامانداردىڭ ويلارى ءبىر جەردەن شىقپاي، بۇل قۇبىلىستى تۇسىندىرە الماي وتىر.
«مۇمكىن شىعاناق تولقىنى جاعالاۋداعى قاردى وراپ، كەيىن ول قاتىپ قالعان بولار، - دەگەن پىكىرىن بيولوگ ميحايل گاليتسكي ءبىلدىردى. - ءبىراق ولاردىڭ كولەمى نەلىكتەن بىردەي ەكەنى تۇسىنىكسىز».
ساياحاتشى- بوتانيك سەرگەي ميگۋليننىڭ پىكىرىنشە، بۇل قاراپايىم تاس بولۋى مۇمكىن. «مەنىڭ ويىمشا، جۇمىرتقا ءتارىزدى قاتىپ قالعان بۇل شارلار قاراپايىم تاستار، - دەيدى ميگۋلين. - ولاردىڭ ءبىر جەردە تۇرعانى ەرەكشە قۇبىلىس، ارينە».
عالامتور پايدالانۋشىلارى بۇل تۇسىنىكتەرگە سەنبەيدى. بلوگەرلەر فين شىعاناعىندا تابيعاتتىڭ تاڭعاجايىپ قۇبىلىسى پايدا بولدى دەگەن سەنىمدە.
