ك. ءماسىموۆ: قىتاي بيزنەسىنىڭ قازاقستانعا قىزىعۋشىلىعى جوعارى
بۇل تۋرالى بۇگىن ەلوردادا وتكەن قازاقستان- قىتاي ىسكەرلىك كەڭەسىندە ق ر ۇكىمەت باسشىسى كارىم ءماسىموۆ ايتتى.
«قىتايدا «دوستىقتىڭ قۇنى جوق» دەگەن ماقال بار. قازاقستان مەن قىتاي ەجەلدەن سەرىكتەس ءارى دوس سانالادى. ءبىز سەرىكتەستىك دەڭگەيىن جوعارى باعالايمىز. ق ر پرەزيدەنتى نۇرسۇلتان نازاربايەۆ پەن ق ح ر ءتوراعاسى شي جينپيڭ اراسىنداعى سەنىمگە تولى بايلانىس وسىناۋ دوستىقتىڭ دالەلى»، - دەدى ك. ءماسىموۆ.
سونىمەن قاتار كەڭەس وتىرىسىنا كوپتەگەن قىتايلىق بيزنەسمەندەر كەلگەنىن ءارى ولاردىڭ قازاقستانعا قىزىعۋشىلىعى جوعارى ەكەندىگىن باسا ايتتى.
«قىتاي بيزنەسىنىڭ ءبىزدىڭ ەلىمىزگە قىزىعۋشىلىعىنىڭ جوعارى ەكەندىگىن بايقادىم. ءوز كەزەگىمدە، ءبىزدىڭ دە تاراپتىڭ قىزىعۋشىلىعى بار ەكەندىگىن قۋاتتايمىن. قازاقستان مەن قىتاي اراسىنداعى ساۋدا- ەكونوميكالىق ءوزارا بايلانىستار كەڭەيىپ، گۋمانيتارلىق سالاداعى ىنتىماقتاستىقتىڭ، ادامدار اراسىنداعى بايلانىستىڭ تەرەڭدەپ وتىرعانىنا قۋانىشتىمىن. الايدا، ءبىزدىڭ قارىم- قاتىناسىمىزدى دامىتۋ الەۋەتى وتە جوعارى»، - دەدى ك. ءماسىموۆ.
سونىمەن قاتار پرەمەر-مينيستر ەكى ەلدىڭ ورتاق قىزىعۋشىلىقتارى مەن بىرلەسە شەشۋى ءتيىس ماسەلەلەرى بار ەكەندىگىن دە اتاپ ءوتتى.
اۆتور: مارلان جيەمباي
