قىتاي مەملەكەتى قازاقستاننان اۋىل شارۋاشىلىعى تاۋارلارىن الۋعا ءازىر

استانا. قازاقپارات - قىتاي تاراپى قازاقستاننان اۋىل شارۋاشىلىعى تاۋارلارىن ساتىپ الۋعا ءازىر. بۇل تۋرالى بۇگىن قازاقستان-قىتاي ىسكەرلىك كەڭەسىنىڭ وتىرىسى بارىسىندا ق ح ر مەملەكەتتىك كەڭەسىنىڭ پرەمەرى لي كىشياڭ ءمالىم ەتتى.

«ءبىز قازاقستاننان قىتايعا قاجەتتى اۋىل شارۋاشىلىعى سالاسىنداعى تاۋارلاردى الۋعا دايارمىز. مەنىڭ ويىمشا، بۇل باعىتتاعى ىنتىماقتاستىقتىڭ بولاشاعى زور جانە قازىرگى كەزدە ءبىزدىڭ ىنتىماقتاستىقتى بۇدان ارى قاراي دامىتۋ ءۇشىن جاقسى ۋاقىت تۋىنداپ وتىر»، - دەدى ول.

سونىمەن قاتار ق ح ر مەملەكەتتىك كەڭەسىنىڭ پرەمەرى قىتايلىق بيزنەسمەندەردى قازاقستانعا كەلىپ، ينفراقۇرىلىمدى دامىتۋعا ينۆەستيسيا سالۋعا شاقىردى.

وسى ورايدا ول دامۋ پاركتەرىنىڭ جۇمىسىنا قاتىسۋ كەرەكتىگىن، سونداي-اق قازاقستان مەن قىتاي بىرلەسە الەمنىڭ ءۇشىنشى مەملەكەتتەرىنىڭ نارىقتارىنا شىعا الاتىندىعىن اتاپ ءوتتى.

اۆتور: رۋسلان عابباسوۆ