19:35, 14 - جەلتوقسان 2014 | GMT +5
قىتاي پرەمەرى لي كىشياڭ قازاقستاندىقتاردى تاۋەلسىزدىك كۇنىمەن قۇتتىقتادى
استانا. قازاقپارات - قىتاي حالىق رەسپۋبليكاسى مەملەكەتتىك كەڭەسىنىڭ پرەمەرى لي كىشياڭ بارشا قازاقستاندىقتاردى الدا كەلە جاتقان قازاقستان رەسپۋبليكاسى تاۋەلسىزدىگىنىڭ 23 جىلدىعىمەن قۇتتىقتادى.
«بۇگىنگى كەزدەسۋگە قۋانىشتىمىن. ويتكەنى مەن سىزدەردىڭ ەلدەرىڭىزگە العاش رەت كەلىپ وتىرمىن. ونىڭ ۇستىنە بۇل ساپارىم سىزدەردىڭ ەلدەرىڭىزدىڭ تاۋەلسىزدىگى مەرەكەسى قارساڭىنا ءدوپ كەلىپ وتىر»، - دەدى ول ق ر پرەمەر-ءمينيسترى كارىم ماسىموۆپەن كەڭەيتىلگەن قۇرامداعى كەلىسسوزدەردەن كەيىن ۇيىمداستىرىلعان بريفينگتە.
قازاقستان مەن قىتاي اراسىنداعى ءوزارا قارىم-قاتىناستار وڭ قارقىنمەن دامۋ ۇستىندە ەكەندىگىن باسا ايتقان ول بارشا قازاقستاندىقتاردى الداعى ۇلىق مەرەكەلەرىمەن دە قۇتتىقتادى.
«قىتاي ۇكىمەتىنىڭ جانە ءبىزدىڭ حالقىمىزدىڭ اتىنان قازاقستان ۇكىمەت مەن حالقىن وسىناۋ ماڭىزدى ءارى تاماشا مەيراممەن شىن جۇرەكتەن قۇتتىقتايمىن»، - دەدى لي كىشياڭ.
اۆتور: مارلان جيەمباي
