قازاقستان ەلەكتر ەنەرگياسىن قىتاي ارقىلى شەتەلگە ەكسپورتتاماق
كەلىسىم قازاقستان مەن قىتايدىڭ ەلەكتر ەنەرگەتيكا سالاسىنداعى ارىپتەستىگىن كەڭ كولەمدە نىعايتىپ، ەلەكتر جەلىلەرى ينفراقۇرىلىمىن سالىپ، جاڭا ەنەرگورەسۋرستاردى بارلاۋ مەن يگەرۋدى قامتيدى.
قۇجاتتا تومەندەگى باعىتتار بويىنشا زەرتتەۋ جۇرگىزۋ ماسەلەلەرى اتاپ كورسەتىلگەن: قازاقستان مەن قىتايدىڭ ەلەكتر ەنەرگەتيكا سالاسىندا بەرىك بايلانىس ورناتىپ، پاررالەلدى جۇمىس ىستەۋ قاعيدالارىنا كوشۋ؛ قازاقستان اۋماعىندا جاڭعىرتىمدى قۋات كوزدەرى جانە كومىرمەن جۇمىس ىستەيتىن ءىرى جىلۋ ەلەكتر ستانتسيالارىن سالۋ؛ قازاقستاننان قىتايعا ەلەكتر قۋاتىن جەتكىزۋدى ۇيىمداستىرۋ؛ قىتاي اۋماعى ارقىلى ەلەكتر قۋاتىن وزگە ەلدەرگە ەكسپورتتاۋ؛ ەلەكتر ەنەرگياسىن جەتكىزۋدە تۇراقتى توقتىڭ ۋلتراجىلدام كەرنەۋىنىڭ وزىق تەحنولوگيالارىن پايدالانۋ؛ قازاقستانداعى كومىر، جەل جانە كۇن رەسۋرستارىنىڭ ءوزارا ىقپالداستىعى.
قول جەتكىزگەن كەلىسىمدەر اياسىندا ەلەكتر قۋاتىنىڭ جابدىقتارى سالاسىندا تەحنولوگيالار الماسىپ، قازاقستاندا ەلەكتر قۋاتى جابدىقتارىن شىعاراتىن بىرلەسكەن ءوندىرىس قۇرۋ مۇمكىندىكتەرىن زەرتتەۋ جوسپارلانىپ وتىر.
قۇجاتتى «سامۇرىق- قازىنا» اق باسقارما ءتوراعاسى ءومىرزاق شوكەيەۆ پەن قىتايدىڭ مەملەكەتتىك ەلەكترجەلىلەرى كورپوراتسياسى ديرەكتورلار كەڭەسىنىڭ ءتوراعاسى ليۋ چجەنيا راسىمدەدى.
اۆتور: مارلان جيەمباي
