قىتاي تاراپى قازاقستانمەن شيكىزاتتىق ەمەس سەكتوردا ىنتىماقتاستىقتى دامىتۋعا مۇددەلى - ق ح ر مەملەكەتتىك كەڭەسىنىڭ پرەمەرى
بۇل تۋرالى بۇگىن استانادا ق ر پرەمەر-ءمينيسترى كارىم ءماسىموۆتىڭ قاتىسۋىمەن وتكەن كەلىسسوزدەردەن كەيىن ق ح ر مەملەكەتتىك كەڭەسىنىڭ پرەمەرى لي كىشياڭ ءمالىم ەتتى.
«سوڭعى جىلداردا قىتاي مەن قازاقستان ۇزدىكسىز ءوزارا ءتيىمدى ىنتىماقتاستىقتى جۇرگىزۋدە جانە وسى قاتىناستار حالىق ءۇشىن جەمىستى ناتيجەلەردى بەرىپ وتىر. ءبىزدىڭ ەكونوميكالار ءبىرىن-ءبىرى ءوزارا تولىقتىرىپ كەلەدى»، - دەپ توقتالدى قىتاي مەملەكەتتىك كەڭەسىنىڭ پرەمەرى.
ول الەمدىك ەكونوميكا مەن ساياساتتا قارقىندى وزگەرىستەر ورىن الىپ وتىرعاندىعىن ايتا كەلە، الەمدىك ەكونوميكانىڭ قالپىنا كەلۋ ءۇردىسى باياۋ ءجۇرىپ جاتقاندىعىن اتاپ ءوتتى. لي كىشياڭنىڭ پايىمىنشا، بۇل تۇرعىدا قازاقستان مەن قىتاي الەمدىك ەكونوميكاداعى سىن-قاتەرلەرگە قارسى تۇرۋى ءۇشىن جانە جاڭا جاعدايلارعا بەيىمدەلۋى ءۇشىن كۇش-جىگەرلەرىن بىرىكتىرۋ ماڭىزدى بولىپ تابىلادى.
وسى ورايدا قىتاي مەملەكەتتىك كەڭەسىنىڭ پرەمەرى ەكى ەلدىڭ ىنتىماقتاستىعىنىڭ باسىمدىقتى باعىتتارىنا توقتالدى.
«ياعني، شيكىزاتتىق ەمەس سەكتوردا، ءوزارا ينۆەستيسيا، ماشينا قۇرىلىسى، اۋىل شارۋاشىلىعى، ءتۇرلى مينەرالدى-شيكىزاتتىق رەسۋرستاردى تەرەڭدەتىپ قايتا وڭدەۋدە ىنتىماقتاستىق ماڭىزدى. وسىنداي ىنتىماقتاستىق ەكى ەلگە دە تابىستى بولادى. وسى ارقىلى ءبىز الەمدىك ەكونوميكانىڭ تەرىس سالدارىن ءتيىمدى ەڭسەرەتىن بولامىز»، - دەپ ءتۇيدى ول.
اۆتور: رۋسلان عابباسوۆ
