قىتاي قازاقستانمەن تاتۋ كورشىلىك قاتىناستى دامىتۋعا باسا نازار اۋدارادى - لي كىشياڭ

 استانا. قازاقپارات - قىتاي قازاقستانمەن تاتۋ كورشىلىك قاتىناستى دامىتۋعا باسا نازار اۋدارادى. بۇل تۋرالى بۇگىن ۇكىمەت ۇيىندە ق ر پرەمەر- ءمينيسترى كارىم ماسىموۆپەن كەلىسسوزدەر وتكىزگەننەن كەيىنگى بريفينگتە ق ح ر مەملەكەتتىك كەڭەسىنىڭ پرەمەرى لي كىشيان ءمالىم ەتتى.

 «بەيبىت جولمەن دامۋ - بۇل ءبىزدىڭ زاماننىڭ تالابى. سوندىقتان دا قىتاي ۇكىمەتى وڭىردەگى جانە الەمدەگى بارلىق ەلدەرمەن ىنتىماقتاستىقتى قامتاماسىز ەتۋ، بىرلەسە ءارى بەيبىت دامۋ ءۇشىن الداعى ۋاقىتتا دا ءوز ۇمتىلىسىن جالعاستىرا بەرەدى» ، - دەدى ول.

ل. كىشياڭنىڭ اتاپ وتۋىنشە، قازاقستان مەن قىتايدىڭ اراسىنداعى بۇگىنگى ىنتىماقتاستىق قارقىندى دامۋ ۇسىندە.

«وسىعان وراي ءبىز ءوزىمىزدىڭ ماڭىزدى كورشىمىز قازاقستانمەن تاتۋ كورشىلىك، ءوزارا سىيلاستىق، ءوزارا ءتيىمدى ىنتىماقتاستىقتى ودان ارى دامىتا تۇسۋگە بارىنشا نازار اۋدارامىز» ، - دەدى قىتاي پرەمەرى.

 

 اۆتور: مارلان جيەمباي