استانادا قازاقستان مەن قىتاي ۇكىمەتتەرى اراسىندا ءبىرقاتار قۇجاتتارعا قول قويىلدى
ەكى ەلدىڭ پرەمەر- مينيسترلەرى ق ر مەن ق ح ر ۇكىمەت باسشىلارىنىڭ ەكىنشى ءجيى كەزدەسۋلەرىنىڭ ناتيجەلەرى بويىنشا بىرلەسكەن مالىمدەمەگە قول قويدى.
سونىمەن قاتار ق ر ينۆەستيتسيالار جانە دامۋ ءمينيسترى اسەت يسەكەشيەۆ پەن ق ح ر كومەرتسيا ءمينيسترى گاو حۋچەن ەكى ەل ۇكىمەتتەرى اراسىنداعى «قورعاس» شەكارا ماڭى ىنتىماقتاستىعى حالىقارالىق ورتالىعى قىزمەتىن رەتتەۋ كەلىسىمىنە وزگەرىستەر مەن تولىقتىرۋلار ەنگىزۋ تۋرالى حاتتامانى بەكىتتى.
ق ر ۇلتتىق بانكى مەن ق ح ر بانكىنىڭ اراسىنداعى ۇلتتىق ۆاليۋتادا ءوزارا ەسەپ ايىرىسۋ جانە ق ر ۇلتتىق بانكى مەن قىتاي حالىق بانكى اراسىنداعى قازاقستان تەڭگەسى/قىتاي يۋانى ۆاليۋتالىق سۆوپى بويىنشا ەكىجاقتى كەلىسىمگە قول قويىلدى.
بۇدان بولەك، ق ر ۇلتتىق ەكونوميكا مينيسترلىگى مەن ق ح ر دامۋ جانە رەفورمالار جونىندەگى مەملەكەتتىك كوميتەتى اراسىنداعى «جىبەك جولىنىڭ ەكونوميكالىق بەلدەۋىن» بىرلەسىپ قۇرۋدى ىلگەرىلەتۋ تۋرالى حاتتاماعا قول قويىلدى.
ق ر قارجى مينيسترلىگى مەن ق ح ر كەدەندىك باس باسقارماسى اراسىنداعى وكىلەتتى وپەراتورلاردى ءوزارا تانۋ تۋرالى ىنتىماقتاستىق بويىنشا جوسپار بەكىتىلدى.
ق ر ەنەرگەتيكا مينيسترلىگى مەن ق ح ر اتومدىق ەنەرگياسى باسقارماسى اراسىندا يادرولىق ونەركاسىپ سالاسىنداعى ىنتىماقتاستىقتى تەرەڭدەتۋ بويىنشا ءوزارا تۇسىنىستىك تۋرالى مەموراندۋمعا قول قويىلدى.
مۇنىمەن قوسا، ق ر ينۆەستيتسيالار مەن دامۋ منيسترلىگى مەن ق ح ر ساۋدا- ونەركاسىپ بانكى, سيتيك جانە «قازاقستان پوتاش كورپورەيشن» ج ش س اراسىنداعى قازاقستاننىڭ كاليلى كەن ورىندارىنىڭ رەسۋرستارىن يگەرۋ بويىنشا شەكتەمەلى كەلىسىم بەكىتىلدى.
اۆتور: رۋسلان عابباسوۆ
