مەن قازاقستانعا ءار كەلگەن سايىن وتانداستارىمنىڭ ازاماتتىق ۇستانىمى ءوسىپ كەلە جاتقانىن بايقايمىن - ءجاميلا ستەگليكوۆا
وسىنداي پىكىرىمەن چەحيا رەسپۋبليكاسىنىڭ ادام قۇقىعى مەن ازشىلىق ۇلتتار بويىنشا بۇرىنعى ءمينيسترى، ج ي ت س-قا قارسى كۇرەس بويىنشا رەسپۋبليكالىق ورتالىعىنىڭ باس ديرەكتورى ءجاميلا ستەگليكوۆا ءبولىستى.
«مۇنداي جاعدايدا دانا ساياسي باسشىلىق، ناقتى باعىت پەن ناقتى ماقساتتار كەرەك - مۇنىڭ ءبارى رەسپۋبليكا پرەزيدەنتىنىڭ جولداۋىندا بار. «نۇرلى جول - بولاشاققا باستار جول» باعدارلاما قۇجاتى شىن مانىسىندە بولاشاققا اپاراتىن جول، وندا ەرتەڭگى كۇنگە دەگەن سەنىمدىلىك تۋرالى ايتىلعان، ول قازاقستان ازاماتتارىن بىرىكتىرىپ، قاناتتاندىرادى»، - دەيدى ول.
«قازاقستاندىقتاردىڭ ءومىر ساپاسىن ارتتىرۋ ماقساتى وتە ماڭىزدى. الەۋمەتتىك جاڭعىرتۋ ازاماتتىق قوعامدى دامىتۋدى كوزدەيدى. ءوز وتانىم - قازاقستانعا بارعان كەزدە مەن تەك قازاقستاننىڭ قالاي گۇلدەنىپ كەلە جاتقانىن ەمەس، سونىمەن بىرگە مەنىڭ وتانداستارىمنىڭ ازاماتتىق ۇستانىمى قالاي ءوسىپ كەلە جاتقانىن بايقادىم. قازاقستاندىقتار تەك ماتەريالدىق تۇرعىدا عانا تۇرمىستارى جاقسارىپ قويعان جوق، ولار وسى كۇنى وزدەرىنە الدەقايدا سەنىمدى، الدەقايدا بەلسەندى. ءوز ومىرلەرىن قولدارىنا الىپ، ءوز ەلدەرىنىڭ ناعىز يەلەرىنە اينالدى. سوعان قاراماستان، ولار كومەك قولىن سوزۋعا دايار تولەرانتتى ادامدار رەتىندە قالىپ وتىر. قازاقستاننىڭ بۇگىنگى ەكونوميكالىق جانە گەوساياسي جەتىستىكتەرى - پرەزيدەنت پەن رەسپۋبليكا باسشىلىعى ساياساتىنىڭ ارقاسىنداعى بارلىق قازاقستاندىقتاردىڭ كۇشىنىڭ ناتيجەسى» دەپ قوستى ءسوز سوڭىندا ءجاميلا ستەگليكوۆا.
