قازاقستاندىق «كەلينكا سابينكا» فيلمى كينوپروكاتىندا رەكورد جاسادى

استانا. قازاقپارات - نۇرتاس ادامبايەۆتىڭ «كەلينكا سابينكا» (ءسابينا كەلىن) كومەدياسى قازاقستاندىق كينوپروكاتتاردا رەكورد جاسادى.

سونداي-اق ەلىمىزدە العاش رەت بۇل فيلمگە بيلەتتەر بىرنەشە كۇن بۇرىن الدىن الا ساتىلۋدا. 5 كۇننىڭ ناتيجەسى بويىنشا كاسسادان تۇسكەن قاراجات 110 ميلليون تەڭگەنى قۇرادى.

بۇل فيلمدى ءتۇسىرۋ ءۇشىن كەتكەن قاراجاتتان ەكى ەسە كوپ.

نۇرتاس ادامبايەۆتىڭ ءوزى دە مۇندايدى كۇتپەگەن كورىنەدى. «مەن ءدال وسىنداي تابىستى كۇتپەپ ەدىم، فيلم كورەرمەندەرگە ۇنايدى دەپ قانا بولجاعان ەدىم، الايدا، بيلەتتەرگە كەزەك بولادى دەگەن ءۇش ۇيىقتاسام، تۇسىمە دە كىرمەپتى. كەي ادامدار سەانسقا بىرنەشە كۇن بويى كىرە الماي جۇرگەندەرىن جازادى. بۇل قىزىعۋشىلىق فيلمنىڭ باستى كەيىپكەرى وزىمىزدىكى بولعاندىقتان دەپ ويلايمىن. سيۋجەتى، سەناريى، ازىلدەرى جانە ونىڭ تەبىرەنىستەرى -  بۇنىڭ بارلىعى ءبىز تۋرالى. حالىققا شىندىق ۇنايدى. ال ءبىز ءوز كەزەگىمىزدە كەلەسى جوبانىڭ دايىندىعىن باستاۋ مۇمكىندىگىنە قۋانىشتىمىز»، - دەپ اعىنان جارىلدى.

24.kz