08:15, 14 - جەلتوقسان 2014 | GMT +5
عالىمدار: سپورتپەن شۇعىلدانۋ ميعا جاقسى اسەر ەتەدى
استانا. قازاقپارات - بريتانيالىق عالىمدار سپورتپەن شۇعىلدانۋدىڭ تاعى ءبىر پايداسىنا كوز جەتكىزدى.
شوتلانديالىق ۋنيۆەرسيتەتتە جاسى 70 تەن اسقان ەرىكتىلەر قاتىسقان زەرتتەۋ جۇرگىزدى. ولار ءۇش توپقا ءبولىندى، دەپ حابارلادى شەتەلدىك ب ا ق.
العاشقى توپقا سپورتپەن مۇلدەم شۇعىلدانبايتىندار، ەكىنشى توپقا كەي كەزدەرى سپورتقا كوڭىل بولەتىندەر جانە ۇشىنشىسىنە ۇنەمى فيتنەس-ورتالىقتارعا باراتىندار كىردى.
زەرتتەۋ جۇمىسىنا قاتىسۋشىلار ءۇش جىل قاتارىنان مەديتسينالىق تەكسەرىستەردەن ءوتتى. وندا عالىمدار ادامداردىڭ ميىنىڭ جاسۋشالارىن زەرتتەگەن.
ناتيجەسىندە، ءۇشىنشى توپتاعى ادامداردىڭ وزگەلەرمەن سالىستىرعاندا ميىنىڭ جاسۋشالارى ازىراق جويىلعانى انىقتالدى.
