ۇلت ءۇشىن تاۋەلسىزدىك، ازاتتىق، بىرلىك - ەڭ اسىل ۇعىمدار - ع. مۇتانوۆ
مەرەكەلىك كەشتى قازۇۋ رەكتورى، اكادەميك ع. مۇتانوۆ اشتى.
«بارشاڭىزدى جاڭا ءومىرىمىزدىڭ باستاۋى بولعان، ۇلتىمىزدىڭ ۇلى مەيرامى - قازاقستان رەسپۋبليكاسى تاۋەلسىزدىگى كۇنىمەن شىن جۇرەكتەن قۇتتىقتايمىن! بۇگىنگى مەرەكەنىڭ ەلىمىزدىڭ تاريحىندا، حالقىمىزدىڭ تاعدىرىندا الاتىن ورنى ەرەكشە. سەبەبى، ۇلت ءۇشىن تاۋەلسىزدىك پەن تەڭدىك، ازاتتىق پەن ەلدىك، بەرەكە مەن بىرلىك - ەڭ قىمبات، ەڭ اسىل ۇعىمدار. قازۇۋ- دىڭ جەتىستىگى تاۋەلسىز ەلىمىزدىڭ مەرەيىنىڭ ۇستەم بولۋمەن بايلانىستى»، - دەپ اتاپ ءوتتى ءوز سوزىندە قازۇۋ رەكتورى ع. مۇتانوۆ.
ءىس- شارا اياسىندا ۋنيۆەرسيتەتتىڭ 80 قىزمەتكەرى «ءال- فارابي اتىنداعى قازۇۋ- دىڭ 80 جىلدىق مەرەيتويلىق مەدالىمەن» عىلىم مەن ءبىلىم سالاسىنىڭ دامۋىنا جانە ۋنيۆەرسيتەت ومىرىنە بەلسەندى اتسالىسقانى ءۇشىن ماراپاتتالدى.
مەرەكەلىك كەشتە قازاقستان رەسپۋبليكاسىنىڭ ەڭبەك سىڭىرگەن قايراتكەرى ءجاميليا سەركەبايەۆا، قازاستان رەسپۋبليكاسىنىڭ حالىق ءارتىسى مۇرات سەركەبايەۆ جەتەكشىلىك جاسايتىن الماتى قالاسى اكىمىنىڭ كونسەرتتىك وركەسترى ارنايى قازۇۋ ۇجىمىن تاۋەلسىزدىك كۇنىمەن قۇتتىقتاپ، ءوز ونەرلەرىن ورتاعا سالدى. وركەستر قۇرمانعازىنىڭ «سارى ارقا» كۇيىن، تاتتىمبەتتىڭ «بىلقىلداق» كۇيىن، ۆ. موتسارت. روندو، ي. شتراۋس. «ۆەسەننيە گولوسا» ۆالسىن، پ. چايكوۆسكيدىڭ ىشەكتى اسپاپتار سەرەناداسىنان ۆالس ورىندادى.
