قاراعاندى وبلىسىندا التىن وڭدەۋ كومبيناتىندا العاشقى قۇيما الىندى

استانا. قازاقپارات - قاراعاندى وبلىسىنداعى بالقاش كولىنىڭ جاعاسىندا ورىن تەپكەن اقجايداق ەلدى مەكەنىندە ءىرى ءوندىرىس ورنى بوي كوتەرەتىن كۇن الىس ەمەس. وسى توڭىرەكتە التىن وندىرەتىن وندىرىستىك- ينۆەستيتسيالىق جوبانىڭ قولعا الىنعانىنا ءۇش جىلدىڭ ءجۇزى بولدى،

 دەپ جازادى وبلىستىق «ورتالىق قازاقستان» گازەتى.

قازاق جەرىنىڭ قازبا بايلىعىن جاڭاشا يگەرۋ، گەولوگيالىق بارلاۋ جۇمىستارىن جۇرگىزۋ جونىندە ەلباسى ارنايى تاپسىرما بەرگەن بولاتىن. «التىن الماس» اكتسيونەرلىك قوعامىنىڭ يگىلىكتى ىستەرى - سونىڭ جارقىن كورىنىسى.

قازىر كول جاعاسىندا شاعىن قالاشىق پايدا بولدى. التىن وڭدەيتىن كومبيناتتاعى وندىرىستىك قۇرال- جابدىقتار الەمدەگى وزىق ۇلگىدەگى تەحنولوگيا بولىپ تابىلادى. قورىتۋ پەشى تايلاندتان اكەلىنگەن. ارنايى تايلاندتىق مامان كەلىپ، جۇمىس پروتسەسىن كورسەتىپ، تاجىريبە بولىسكەن.

جۋىردا وندىرىستە العاشقى التىن قۇيماسى الىندى. ونىڭ جىلدىق قۋاتى 2 ميلليون توننا كەن وندىرۋگە جەتەدى. ءسويتىپ، جىلىنا 2,4 توننا تازا التىن الۋعا مۇمكىندىگى بار. جاڭا جوبانىڭ قۇنى - 25 512 ميلليون تەڭگەنى قۇراپ وتىر. ءوندىرىس ورنى تولىقتاي ىسكە قوسىلعاندا 524 ادام جۇمىسقا تارتىلادى. ال شيكىزات 200 مەتر تەرەڭدىكتەگى شاحتالار ارقىلى الىنادى.

«العاشقى قادامىمىز جامان ەمەس. بىزدە كەنشىلەردىڭ تۇرمىستىق جاعدايىن جاڭا زامان ۇلگىسىنە ساي جابدىقتاۋ قولعا الىنعان»، - دەيدى كاسىپورىن ديرەكتورى ديار قاناشيەۆ.