20:35, 12 - جەلتوقسان 2014 | GMT +5
تاۋەلسىزدىك كۇنى قارساڭىندا اقمولا وبلىسىندا شاعىن اۋدان پايدالانۋعا بەرىلدى
كوكشەتاۋ. قازاقپارات - ق ر تاۋەلسىزدىگى كۇنى قارساڭىندا جاقسى اۋدانىنىڭ پودگورنوە سەلوسىندا «جاستار» شاعىن اۋدانىندا 2 پاتەرلى جەتى جاڭا ءۇيدىڭ كىلتتەرى سالتاناتتى تۇردە تاپسىرىلدى.
تاۋەلسىزدىك كۇنى قارساڭىندا جاقسى اۋدانىنىڭ پودگورنوە تۇرعىندارى ۇلكەن قۋانىشقا بولەندى. ويتكەنى، 7 بىردەي ەكى پاتەرلى تۇرعىن ءۇي پايدالانۋعا بەرىلىپ، وعان جاس ماماندار، مەحانيزاتورلار جانە كوپ بالالى وتباسىلار قونىستاندى.
شاراعا اۋدان اكىمى ق. سۇيىندىكوۆ جانە « ТNK اگروفيرماسى» باس ديرەكتورىنىڭ ورىنباسارى ت. وتەنوۆ قاتىسىپ، جاڭا پاتەر يەلەرىن تاۋەلسىزدىك مەرەكەسى جانە قونىس تويىمەن قۇتتىقتادى.
اۆتور: اسلان وسپانوۆ
