نۇرتاي ابىقايەۆ شەكارا قىزمەتىنىڭ ەكى اسكەري بولىمىنە اسكەري تۋلار تاپسىردى
جالپى، قازاقستان رەسپۋبليكاسىنىڭ تاۋەلسىزدىك كۇنى قارساڭىندا شەكارا قىزمەتىنىڭ 6 بولىمشەسىنە اسكەري تۋلاردىڭ تاپسىرىلعاندىعىن اتاپ وتكەن ورىندى.
استاناداعى شەكارا قىزمەتى ورتالىق اپپاراتىنىڭ ساپتىق الاڭىندا قازاقستان رەسپۋبليكاسىنىڭ پرەزيدەنتى نۇرسۇلتان نازاربايەۆتىڭ اسكەري تۋلاردى تاپسىرۋ تۋرالى گراموتاسى وقىلدى. سونىڭ نەگىزىندە قازاقستان رەسپۋبليكاسى ۇلتتىق قاۋىپسىزدىك كوميتەتىنىڭ ءتوراعاسى نۇرتاي ابىقايەۆ 2456№ اسكەري ءبولىمىنىڭ باسشىسى پولكوۆنيك دارحان ءدىلمانوۆقا جانە 2026№ اسكەري ءبولىمىنىڭ كومانديرى پودپولكوۆنيك نۇرعالي نۇرمانوۆقا باتىرلىق پەن ەرلىكتىڭ، ار مەن نامىستىڭ سيمۆولى سانالاتىن اسكەري تۋلاردى سالتاناتتى جاعدايدا تاپسىردى.
ۇ ق ك ءتوراعاسى نۇرتاي ابىقايەۆ شەكاراشى ساربازداردى الدا كەلە جاتقان تاۋەلسىزدىك كۇنىمەن قۇتتىقتاپ، بۇگىنگىدەي سالتاناتتى شارانىڭ ءمان-ماعىناسىنا توقتالدى.
- اسكەري تۋدىڭ تاپسىرۋ سالتاناتىمەن سىزدەردى شىن كوڭىلدەن قۇتتىقتايمىن، - دەدى كوميتەت باسشىسى. «جاۋاپتى قىزمەتتەرىڭىزدە قاشاندا تابىستان تابىسقا جەتە بەرىڭىزدەر! ەلىمىز امان، شەكارامىز تىنىش بولسىن!»
ءىس-شارا سوڭىندا شەكارا بولىمدەرى سالتاناتتى تۇردە ءجۇرىپ ءوتتى، دەپ حابارلايدى ق ر ۇ ق ك ش ق باسپا ءسوز قىزمەتى.
