حالىقارالىق رەيتينگتە قازاقستان ايەلدەرىنىڭ بەلسەندىلىگى وتە جوعارى

استانا. قازاقپارات - حالىقارالىق رەيتينگتە قازاقستان ايەلدەرىنىڭ بەلسەندىلىگى وتە جوعارى باعالانۋدا. بۇل تۋرالى بۇگىن ق ر پرەزيدەنتى جانىنداعى ايەلدەر ءىسى جانە وتباسىلىق-دەموگرافيالىق ساياسات جونىندەگى ۇلتتىق كوميسسيانىڭ وتىرىسى اياسىندا ب ا ق وكىلدەرىنە سۇحبات بەرگەن ەلىمىزدىڭ مەملەكەتتىك حاتشىسى گۇلشارا ءابدىقالىقوۆا ءمالىم ەتتى.

«قازىرگى ۋاقىتتا حالىقارالىق رەيتينگتە قازاقستان ايەلدەرىنىڭ بەلسەندىلىگى وتە جوعارى باعالانۋدا. ءبىز 30 بەن 40- پوزيتسيانىڭ ورتاسىندا تۇرمىز»، - دەدى ول.

وسى رەتتە مەملەكەتتىك حاتشى ەلباسى الەمنىڭ دامىعان 30 ەلىنىڭ قاتارىنا كىرۋ ماقساتىن العا قويىپ وتىرعاندىعىن ەسكە سالىپ ءوتتى.

«سوندىقتان دا، بىزدەرگە وسى باعىتتا جۇمىستار جۇرگىزۋ قاجەت. مەنىڭشە، «نۇرلى جول - بولاشاققا باستار» جول اتتى جاڭا جولداۋ اياسىندا ءبىزدىڭ ايەلدەردى بيزنەسكە بارىنشا تارتۋ قاجەت. كەلەر جىلى 100 ميلليارد تەڭگە شاعىن جانە ورتا بيزنەسكە بولىنەدى. ءدال وسى سالادا ايەلدەردىڭ الەۋەتى وتە زور»، - دەدى گ. ءابدىقالىقوۆا.

اۆتور: مارلان جيەمباي