ساۋلەتشى نورمان فوستەرگە ق ر تۇڭعىش پرەزيدەنتى - ەلباسىنىڭ مەملەكەتتىك بەيبىتشىلىك جانە پروگرەسس سىيلىعى بەرىلدى

استانا. قازاقپارات - ساۋلەتشى نورمان فوستەرگە قازاقستان رەسپۋبليكاسى تۇڭعىش پرەزيدەنتى - ەلباسىنىڭ مەملەكەتتىك بەيبىتشىلىك جانە پروگرەسس سىيلىعى بەرىلدى.

بۇل تۋرالى اقوردانىڭ رەسمي سايتى حابارلايدى.

«قازاقستان رەسپۋبليكاسى تۇڭعىش پرەزيدەنتىنىڭ - ەلباسىنىڭ مەملەكەتتىك بەيبىتشىلىك جانە پروگرەسس سىيلىعىن بەرۋ تۋرالى» جارلىق

 «قازاقستان رەسپۋبليكاسى تۇڭعىش پرەزيدەنتىنىڭ - ەلباسىنىڭ مەملەكەتتىك بەيبىتشىلىك جانە پروگرەسس سىيلىعى تۋرالى» 2001 -جىلعى 5 - شىلدەدەگى قازاقستان رەسپۋبليكاسىنىڭ زاڭىنا سايكەس قاۋلى ەتەمىن:

1. ساۋلەت ونەرىن دامىتۋعا، بەيبىتشىلىكتى جانە حالىقتار اراسىنداعى دوستىقتى، ءوزارا سەنىمدى نىعايتۋعا قوسقان ەرەكشە ۇلەسى ءۇشىن ساۋلەتشى نورمان فوستەرگە 2014 - جىلعى قازاقستان رەسپۋبليكاسىنىڭ تۇڭعىش پرەزيدەنتىنىڭ - ەلباسىنىڭ مەملەكەتتىك بەيبىتشىلىك جانە پروگرەسس سىيلىعى بەرىلسىن.

2. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

 قازاقستان رەسپۋبليكاسىنىڭ پرەزيدەنتى ن. نازاربايەۆ

استانا، اقوردا، 2014 -جىلعى 12 - جەلتوقسان

 № 978