15:47, 12 - جەلتوقسان 2014 | GMT +5
اۋە كولىگىنىڭ بيلەتتەرى ارزاندايدى
استانا. قازاقپارات - مۇناي باعاسىنىڭ تومەندەۋى ۇدەرىسى اياسىندا اۋە كولىگى بيلەتتەرىنىڭ قۇنى دا تومەندەيدى. بۇل تۋرالى حالىقارالىق اۋە كولىگى قاۋىمداستىعىنىڭ (IATA) تاراتقان مالىمەتتەرىندە حابارلاندى.
ونىڭ باعالاۋى بويىنشا اۋە كومپانيالارى وتىنعا قوسىمشا الىمداردى جولاۋشىلار رەيستەرى ءۇشىن ورتاشا ەسەپپەن 5 پايىزعا جانە جۇك تاسىمالىنا 5,8 پايىزعا قىسقارتادى.
بۇل ءوز كەزەگىندە تاسىمال كولەمىن ارتتىرۋدى ىنتالاندىرادى. الەمدەگى اۋە كومپانيالارىنىڭ 85 پايىزىن (الەم بويىنشا 240 اۋە كومپانيالارى) بىرىكتىرىپ وتىرعان وسى قاۋىمداستىقتىڭ مالىمەتىنە قاراعاندا، 2014-جىلدا سالاداعى جيىنتىق كىرىستىڭ بولجامى 18 ميلليارد دوللاردان 20 ميلليارد دوللارعا دەيىن ارتادى. مۇناي باعاسىنىڭ قۇلدىراۋى سالدارىنان 2015-جىلى ونىڭ كورسەتكىشى 25 ميلليارد دوللارعا دەيىن جەتەدى دەپ كۇتىلۋدە.
اۆتور: رۋسلان عابباسوۆ
