08:46, 14 - جەلتوقسان 2014 | GMT +5
تايلاند حانزاداسىنىڭ ايەلى ءوزىنىڭ حانشايىمدىق تيتۋلىنان باس تارتتى
استانا. قازاقپارات - تايلاند كورولىنىڭ مۇراگەرى، حانزادا ماحي ۆادچيرالونگكورننىڭ ايەلى حانشايىم سريراسمي ءوزىنىڭ حانشايىمدىق تيتۋلىنان باس تارتتى.
كورولدىك وتباسىنىڭ باسپا ءسوز قىزمەتى ونىڭ سەبەبىن ايتپادى، دەپ جازادى BBC.
جەرگىلىكتى ب ا ق بۇل اجىراسۋ ءۇشىن جاسالعان قادام دەپ وتىر.
وسىعان دەيىن حانزادا حانشايىمنىڭ تۋىستارىن كورول جانۇياسىنىڭ مۇشەسى بولۋ قۇقىعىنان ايىرعان. حانزادانى مۇنداي ارەكەتكە ولاردىڭ ويىن بيزنەسى جانە كونتراباندامەن اينالىساتىن قىلمىستىق توپقا قاتىسى بار دەگەن كۇدىكتىڭ پايدا بولۋى يتەرمەلەگەن.
تاق مۇراگەرى ءوزىنىڭ ءۇشىنشى ايەلىمەن بىرگە تۇرمايتىنى بەلگىلى. ونىڭ ءۇش نەكەدەن جەتى بالاسى بار. سولاردىڭ ۇشەۋى عانا كورولدىك تيتۋلعا يە.
حانزادا ۆادچيرالونگكورن ءوزىنىڭ 87 جاستاعى اكەسى، كورول پحۋميپون ادۋليادەتتىڭ ورنىن باسادى.
