الەم چەمپيوناتىنان قىتايلىق كۇمىس جۇلدەگەردىڭ قان قۇرامىنان كلەنبۋتەرول تابىلدى - ب ا ق
اۋىر اتلەتيكا حالىقارالىق فەدەراتسياسىنىڭ وكىلىنىڭ مالىمەتىنشە، ۋاقىتشا شەكتەلگەن اتلەتتەر اراسىندا الەم بىرىنشىلىگىندە جەڭىسكە جەتكەن ەكى سپورتشى بار - سولتۇستىك كورەيا وكىلى كيم ۋن چجۋ مەن البان دونيەل گودەللي.
پورتالدا ءبىرىنشى سىناقتا كورەي سپورتشىسىنىڭ قانىندا مەتيلتەستوستەرون ستەرويد پەن مەتاندريول، ال گودەلليدىڭ قانىندا ستانوزولول ستەرويدى تابىلعانىن جازادى.
سونىمەن قاتار، الەم چەمپيوناتىنىڭ كۇمىس جۇلدەگەرى - قىتاي حالىق رەسپۋبليكاسىنىڭ سپورشىسى چجون حۆا دا كۇدىك تۋدىرىپ وتىر. ونىڭ قان قۇرامىنان كلەنبۋتەرول تابىلدى. البانيا اتىنان قاتىسقان ەكى ويىنشى جانە وزبەكستاننان كەلگەن ءۇش اتلەت تەكسەرىلىپ جاتىر. ولارعا قاتىستى شەشىم "ب" سىناعى جاسالعاننان كەيىن شىعادى.
ايتا كەتەيىك، اۋىر اتلەتيكا حالىقارالىق فەدەراتسياسىنىڭ رەسمي سايتىندا جاڭالىقتىڭ جازىلعان ۋاقىتىندا الماتىداعى الەم چەمپيوناتىندا دوپينگكە تەكسەرىستە وڭ ناتيجە بولمادى. تولىعىراق مىنا جەردەن وقي الاسىزدار.
ەسكە سالا كەتەيىك، الماتىدا اۋىر اتلەتيكادان الەم چەمپيوناتى 8-16 - قاراشا ارالىعىندا بالۋان شولاق اتىنداعى سپورت سارايىندا ءوتتى. قازاقستان قۇراماسىنىڭ ەنشىسىندە - ءۇش التىن جانە ەكى كۇمىس مەدال جينالىپ، قازاقستاندىق اۋىراتلەتتەر مەدالدار ەسەبىندە ءۇشىنشى ورىننان كورىندى.
tengrinews.kz
