رەسەيدىڭ باس كونسۋلدىعىمەن سوتتاسىپ جۇرگەن الماتى تۇرعىنى پۋتينگە حات جازدى
ءۇي ورتەنىپ كەتكەن بولاتىن. ال 2012 - جىلدىڭ كوكتەمىندە زاڭدى كۇشىنە ەنگەن ورتەنگەن ءۇي ءۇشىن 196 ميلليون تەڭگە شىعىن وتەۋ تۋرالى سوت شەشىمى ءالى ورىندالماعان. ءشارىپوۆ بۇل داۋعا پۋتيننىڭ ارالاسۋىن سۇرايدى.
"ەكى ەلدىڭ سىرتقى ساياسات ۆەدومستۆولارى وكىلدەرىنىڭ كەزدەسۋىنەن كەيىن كەلىسىم كوميسسياسى قۇرىلدى. العاشقى كەزدەسۋدەن كەيىن 1,5 جىل ءوتتى، ر ف سىرتقى ىستەر مينيسترلىگى تالاپ ەتكەن بارلىق قۇجات ۇسىنىلدى. ولار قۇجاتتاردى تالداپ، قانداي دا ءبىر سومانى ۇسىنۋدىڭ ورنىنا سوت شەشىمىن ريەۆيزيالاۋمەن اينالىسىپ ءجۇر.
مۇنىڭ ءبارى سوزىلىپ بارادى. ءبىزدىڭ سوت ورىنداۋشىلار ءتۇرلى سىلتاۋمەن سوت شەشىمىن ورىنداماي كەلەدى. مەن رەسەي پرەزيدەنتى ۆلاديمير پۋتينگە حات جازىپ، جولدادىم، قانداي دا ءبىر قۇقىقتىق ءوزارا سىيلاستىق بولادى دەگەن ۇمىتپەن رەسەي سىرتقى ىستەر ءمينيسترى سەرگەي لاۆروۆقا دا ءوتىنىش ءبىلدىردىم"، - دەيدى ورتەنگەن ءزاۋلىم ءۇيدىڭ يەسى ءشارىپوۆ.
ءزاۋلىم ءۇي قوجايىنىنىڭ ايتۋىنشا، كوپتەگەن كەلىسىم كوميسسيالارى قۇرىلعانىمەن، ەشقانداي كەلىسىمگە كەلگەن ەمەس. ايتا كەتەيىك، توقتاعۇل ءشارىپوۆتىڭ ورتەنگەن ءۇيى ءۇشىن وعان شىعىن ءوندىرىپ بەرۋ ماسەلەسى رەسەي مەن قازاقستاننىڭ سىرتقى ىستەر مينيسترلەرى سەرگەي لاۆروۆ پەن ەرلان ىدىرىسوۆتىڭ كەلىسسوزدەرىندە دە بىرنەشە رەت تالقىلاندى.
ەسكە سالا كەتەيىك، ءزاۋلىم ۇيگە قاتىستى داۋ 2005 - جىلى باستالدى، ءشارىپوۆ رەسەيدىڭ باس كونسۋلدىعىنا اۋدانى 600 شارشى مەتر بولاتىن قىمبات ءۇيىن جالعا بەرگەن. وندا سول كەزدەگى كونسۋل راشيد يبراگيموۆ تۇردى. ديپلومات اي سايىن 3,5 مىڭ دوللار تولەۋى كەرەك بولدى. كوپ ۇزاماي ءزاۋلىم ءۇي ورتەنىپ كەتتى.
سودان بەرى ءشارىپوۆ رەسەيدىڭ ديپلوماتيالىق وكىلدىگىمەن سوتتاسىپ ءجۇر. وعان 196 ميلليون تەڭگە دەپ باعالانعان شىعىن ءالى تولەنگەن جوق. سوتتىڭ شەشىمىمەن باس كونسۋلدىقتىڭ ەسەپشوتىنا تىيىم سالىندى، ءبىراق رەسەي بۇل ارەكەتتى "قازاقستاننىڭ ارازدىق يشاراتى" دەپ باعالادى. كەيىن ەسەپشوتتارعا سالىنعان تىيىم الىپ تاستالدى.
tengrinews.kz
