10:08, 12 - جەلتوقسان 2014 | GMT +5
قاراعاندىلىق قاريانىڭ ىشىنەن قايشى تابىلدى - فوتو
استانا. قازاقپارات - 70 جاستاعى قاراعاندىلىق قاريانىڭ ىشىنەن قايشى تەكتەس قىسقىش تابىلدى. ءبىر قىزىعى، 12 جىل بويى اقساقالدىڭ اعزاسىندا بولعان قۇرال ونىڭ دەنساۋلىعىنا زيان كەلتىرمەپتى،
دەپ جازادى 24.kz.
شاحتينسك قالاسىنىڭ تۇرعىنى وسىدان 12 جىل بۇرىن وپەراتسيا جاساتىپ، ءوتىن الدىرتقان ەكەن. سول كەزدە دارىگەرلەردىڭ سالعىرتتىعىنان قىسقىش ناۋقاستىڭ ىشىندە قالىپ قويعان.
ونى اقساقال قالاداعى جەكەمەنشىك كلينيكالاردىڭ بىرىندە سكرينينگتىك تەكسەرىستەن وتكەننەن كەيىن بىلگەن. قاريانى قاراعان دارىگەر باۋىرجان ايتبايەۆ ءوز تاجىريبەسىندە مۇنداي جاعدايدىڭ بۇرىن- سوڭدى بولماعانىن ايتادى. قازىر اقساقال كەزەكتى وپەراتسياعا دايىندالىپ جاتىر.
